කඩවත, මෙඩිකල් සෙන්ටර් පුද්ගලික ආයතනයෙන් චෙක්පොත් හයකින් චෙක්පත් 47ක් අස්ථානගත කරවාගෙන එම චෙක්පත් සඳහා අත්සන් යොදා බැංකු ගත කර රුපියල් අනූහත්ලක්ෂ හතළිස් එක්දහස් හාරසියක මුදලක් වංචා කිරීම සම්බන්ධව සැකපිට අධිකරණයට ඉදිරිපත් කළ එම ආයතනයේ හිටපු සේවකයකු ජූලි මස 31 වන දින දක්වා රිමාන්ඩ් කිරීමට නියම කළ මහර අතිරේක මහේස්ත්‍රාත් ජනිතා පෙරේරා මහත්මිය එහි සේවිකාවක් රුපියල් ලක්ෂ පහ බැගින් වටිනා ශරීර ඇප දෙකක් මත මුදාහැරීමට 17 වන දින නියම කළාය.
මෙම සිද්ධිය සම්බන්ධයෙන් එම ආයතනයේ හිටපු සේවකයකු වන තිත්තපත්තර, මහවලවත්ත, මැද කැල්ල ප්‍රදේශයේ පදිංචි ලාල් ප්‍රියන්ත යන අය එසේ රිමාන්ඩ් කිරීමටත් මීට අමතරව එම ආයතනයේ සේවිකාවක් වන කඩවත, ඉහළ බියන්විල, ජය මාවතේ පදිංචි මධුශානි ඉමල්කා අල්විස් නමැත්තිය එසේ ඇප මත මුදාහැරීමටත් නියම කෙරිණි.
