හොරණ අධ්‍යාපන කලාපයේ බප/හො/ කළුපහන කනිටු විදුහලේ ශිෂ්‍ය නායක නායිකාවන් සඳහා නිල ලාංඡන පැලඳවීමේ උත්සවය ඉකුත් දා විද්‍යාලයීය ප්‍රධාන ශාලාවේ දී මහත් උත්කර්ෂවත්ව පැවැත්විණි.
විදුහල්පතිනි ජීවනී තරංගා හික්කඩුව මහත්මියගේ උපදෙස් සහ මඟපෙන්වීම අනුව සහකාර විදුහල්පති රවීන්ද්‍ර ඕපනායක මහතා විසින් මෙම උලෙළ සංවිධානය කරන ලද අතර ජාතික ශිෂ්‍යභට බළකායේ හිටපු අණදෙන නිලධාරී කර්නල් උපාලි කඑබෝවිල මහතා මෙම උලෙළේ ප්‍රධාන ආරාධිත අමුත්තා විය.
මෙහිදී ප්‍රධාන ශිෂ්‍ය නායකයා වශයෙන් පී. සමාධි විරෝජ් සත්සර සහ ප්‍රධාන ශිෂ්‍ය නායිකාව වශයෙන් තෙනුරි තමාෂා හපුතන්ත්‍රි අබිසෙස් ලැබූ අතර සෙසු ශිෂ්‍ය නායක නායිකාවෝ 26 දෙනෙකු වෙත නිල ලාංජන පැලඳවීම සිදුකෙරිණි.
මෙහිදී ජාතික ශිෂ්‍යභට බළකායේ හිටපු අණදෙන නිලධාරී කර්නල් උපාලි කළුබෝවිල සහ හොරණ ගුරු වෘත්තීය සංවර්ධන මධ්‍යස්ථානයේ අධ්‍යාපන සංවර්ධන නිලධාරී ඉන්දික සංජීව විතාන මහත්වරු ශිෂ්‍ය නායකත්වය, නායකයකුගේ වගකීම් සහ යුතුකම් පිළිබඳව දේශන දෙකක් පැවැත්විය.
ගායන, වාදන සහ නර්තනාංගවලින් උලෙළ වර්ණවත් වූ අතර ශිෂ්‍ය නායක සංසදය භාර ආචාර්ය ඩබ්.එම්.ටී.එස්. විජේසුන්දර මහත්මිය ඇතුළු ආචාර්ය මණ්ඩලය දෙමවුපියන් සිසු සිසුවියෝ විශාල පිරිසක් මෙම අවස්ථාවට සහභාගි වූහ.
