කොහුවල ගුවන් පාලම ජනතා අයිතියට පත්කිරීම විදේශ ණය ප්‍රතිව්‍යුහගත කිරීමේ සුබ ආරංචිය බව ප්‍රවාහන මහාමාර්ග හා ජනමාධ්‍ය ඇමැති ආචාර්ය බන්දුල ගුණවර්ධන මහතා පැවසීය. ඒ මහතා මෙසේ ප්‍රකාශ කළේ රුපියල් කෝටි 360ක වියදමින් කොහුවල මංසන්ධියේ ඉදි කළ ගුවන් පාලම අගමැති දිනේෂ් ගුණවර්ධන මහතාගේ ප්‍රධානත්වයෙන් ඊයේ (17) පෙරවරුවේ ජනතා අයිතියට පත් කළ අවස්ථාවේදීය. නව ගුවන් පාලම විවෘත කිරීමෙන් පසු අගමැතිවරයා ඇතුළු පිරිස එහි පාගමනින් ගමන් කළ අයුරු සේයාරුවේ දැක්වේ. පාර්ලිමේන්තු මන්ත්‍රීවරුන් වන ප්‍රේමනාත් සී. දොළවත්ත, යදාමිණි ගුණවර්ධන, හිටපු ඇමැතිනී සුනේත්‍රා රණසිංහ, ප්‍රවාහන හා මහාමාර්ග අමාත්‍යාංශයේ ලේකම් ඉංජිනේරු රංජිත් රූබසිංහ, මාර්ග සංවර්ධන අධිකාරියේ සභාපති චමින්ද අතළුවගේ, මාර්ග සංවර්ධන අධිකාරියේ අධ්‍යක්ෂ ජනරාල් ප්‍රියන්ත සූරියබණ්ඩාර, සංවර්ධන ලොතරැයි මණ්ඩලයේ සභාපති අජිත් නාරගල, බෙටොනට්පිටෝ සමාගමේ නේවාසික නියෝජිත කරොලි සින්ගල් මහත්ම මහත්මීන් ඇතුළු පිරිසක් මෙහි සිටිති.
