310
බදුල්ල මහියංගණය මාර්ගයේ 15 කනුව ප්‍රදේශයේ දී ඊයේ (12) අලුයම බලපත්‍ර නොමැතිව එළ ගවයින් ප්‍රවාහනය කරමින් තිබු බොලේරෝ වර්ගයේ කැබ් රථයක් අත්අඩංගුවට ගැනීමට හැකිවූ බව කන්දකැටිය පොලිසිය පවසයි. ලද තොරතුරක් මත කන්දකැටිය පොලිස් ස්ථානයේ නිලධාරීන් විසින් මාර්ග බාධක යොදා මෙම වැටලීම සිදුකර ඇති අතර එම අවස්ථාවේදී කැබ් රථය තුළ වැස්සියන් තිදෙනෙකු හා වස්සන් හය දෙනෙකු සිට ඇති අතර ඉන් එක් වැස්සියක මියගොස් සිටි බව ද පොලිසිය පවසයි.
මාර්ග බාධකය දුටු රථයේ පැමිණි සැකකරුවන් රථය අතහැර පලාගොස් ඇති අතර ඔවුන් සොයා විමර්ශන ක්‍රියාත්මක බව ද පොලිසිය පවසයි.
