මුලතිව් විශ්වමඩු ප්‍රදේශයේ පිහිටි පොල් ලෙලි කැබලි කරන හා පොල් කොහු නිෂ්පාදිත කම්හලකට ගිනි ඇවිළීමෙන් පෙරේදා (09) රුපියල් කෝටි තුනක පමණ අලාභයක් සිදුව තිබේ.
මෙම කර්මාන්ත ශාලාව යුද්ධයෙන් පීඩාවට පත් වැන්දඹු කාන්තාවන්ගේ ආර්ථිකය ශක්තිමත් කිරීම පිණිස විදේශ ආධාර යටතේ වසර අටක සිට ක්‍රියාත්මක වන කර්මාන්ත ශාලාවකි.
කාන්තාවන් 120ක් පමණ මෙම කර්මාන්ත ශාලාවේ විවිධ අංශවල සේවය කළ අතර පොල් ලෙලි හා පොල් කොහු ආශ්‍රිත භාණ්ඩ නිපදවීම මෙම කර්මාන්ත ශාලාවෙන් සිදු වී තිබේ. හදිසියේම කර්මාන්ත ශාලාව ගිනි ගැනීමත් සමඟම මුලතිව් පළාතේ සියලුම ගිනි නිවන ඒකක පැමිණ ගින්න නිවා දැමීමට උත්සාහ කොට ඇතත් දැඩි අව් රශ්මිය නිසා ගින්නෙන් මුළු කර්මාන්ත ශාලාවම හා එහි තිබූ යන්ත්‍ර සූත්‍ර විනාශ වී ගොස් තිබේ.ගින්නට හේතුව මෙතෙක් අනාවරණය වී නොමැති අතර විශ්වමඩු පොලිසිය සිද්ධිය සම්බන්ධයෙන් පරීක්ෂණ ආරම්භ කොට තිබේ.
