122
කුලියට ලබා ගත් වෑන් රථයකින් හොරකම් කරන ලද ගවයන් දෙදෙනකු රැගෙන යමින් සිටියදී වවුනියාව පොලිසිය විසින් එම ගවයන් දෙදෙනා හා 
සැකකරුවකු පෙරේදා (9) අත්අඩංගුවට ගෙන තිබේ.
වවුනියාවේ ආච්චිපුරම් ප්‍රදේශයෙන් කුලියට ගත් එම වෑන් රථයෙන් වවුනියාවේ කෝවිල්කුලම ප්‍රදේශයේදී හොරකම් කරන ලද ගවයන් දෙදෙනකු පටවාගෙන යමින් සිටියදී වෑන් රථය අනතුරකට ලක්ව ඇත. අසල වූ ගරාජයකට වෑන් රථය දමා ගවයන් දෙදෙනා වෑන් රථයෙන් එළියට ගෙන මස් පිණිස අලෙවි කිරීමට සූදානම් වූ අවස්ථාවේදී වවුනියාව පොලිසියේ අපරාධ විමර්ශන අංශයට ලැබුණු තොරතුරක් මත පොලිසිය එම ස්ථානයට ගොස් සකකරුව අත්අඩංගුවට ගෙන ඇත.
වවුනියාව පොලිසිය අදාළ සැකකරුව වවුනියාව අධිකරණය වෙත ඉදිරිපත් කිරීමට පියවර ගෙන තිබේ.
