සංචාරක ශ්‍රී ලංකා යොවුන් පිල හා එංගලන්ත යොවුන් පිල අතර දෙවැනි එක්දින තරගයේ මුලින් පන්දුවට පහරදුන් එංගලන්ත යොවුන් පිල ඕවර් 50 අවසානයේ කඩුලු 7කට ලකුණු 360ක් රැස්කර ප්‍රබල තත්ත්වයකට පැමිණීයේය.
එංගලන්තයේ හෝව්හිදී ඊයේ පැවැති තරගයේ කාසියේ වාසිය දිනා මුලින් පන්දුවට පහරදීමට එංගලන්ත පිල තීරණය කළ අතර, ආරම්භක පිතිකරු ෆ්‍රෙඩී මැක්කාන් පන්දු 139කදී හයේ 3ක් හා හතරේ 22ක් සමඟ ලකුණු 174ක් ලබා ගත්තේය.
තරග 3කින් සමන්විත එක්දින තරගාවලියේ පළමු එක්දින තරගයන් ලකුණු 65ක විශිෂ්ට ජයක් ලබා ගැනීමට ශ්‍රී ලංකා යොවුන් ක්‍රිකට් ක්‍රීඩකයෝ සමත් වූහ.
ශ්‍රී ලංකා යොවුන් පිල හා එංගලන්ත යොවුන් පිල අතර අවසන් එක්දින තරගය හෙට හෝව්හි ක්‍රීඩාංගණයේදීම පැවැත්වේ.
එංගලන්ත යොවුන් පිල කඩුලු 7කට ලකුණු 360 (ඕවර් 50)
ෆ්‍රෙඩි මාක්කාන් 174, නොහා තාහින් 66, චාලි ඇලිසන් 46, ඩොමිනික් කෙලී නොදැවී 32 (දිනුර කළුපහන 81/5, දුමින්ද සෙව්මිණ 91/2)
