හෝමාගම දියගම මහින්ද රාජපක්ෂ ක්‍රීඩාංගණයේදී පසුගියදා පැවැති ජාතික මලල ක්‍රීඩා ශූරතාවලියේදී ශ්‍රී ලංකා පාසල් ක්‍රීඩා සමාජය නියෝජනය කළ නෙත්මිකා මධුශානි හේරත් ක්‍රීඩිකාව තුන්පිම්ම කාන්තා තරඟය මීටර් 13.13 නිමකර ප්‍රථම ස්ථානය හිමිකරගෙන ජාතික ශූරිය බවට පත් වූවාය.
දෙවන ස්ථානය ශ්‍රී ලංකා යුද හමුදාවේ ඊ.එම්.එස්. උපේක්ෂා දිනාගත් අතර, ශ්‍රී ලංකා ගුවන් හමුදාවේ එච්. එන්. එන්. හෙට්ටිආරච්චි විසින් තෙවන ස්ථානයත් හිමිකර ගන්නා ලදි.
මධුශානි හේරත් බිබිල අධ්‍යාපන කාලාපයේ මොනරාගල මැදගම නනන්පුරාව මහා විද්‍යාලයේ ඉගෙනුම ලබන ශිෂ්‍යාවකි.
ඇය මේ වසරේ පැවැති ආසියානු කනිෂ්ඨ මලල ක්‍රීඩා ශූරතාවලියේදී තුන් පිම්ම ඉසව්වෙන් ශ්‍රී ලංකාවට රිදී පදක්කමක් දිනා දීමට සමත් වූවාය. ඇය එහිදී කාන්තා තුන් පිම්ම ඉසව්ව මීටර් 13.01ක දක්ෂතාවකින් රිදී පදක්කම දිනාගත් අතර, ඇයගේ හොඳම පෞද්ගලික දක්ෂතාව වූවාය. මෙවර ජාතික මලල ක්‍රීඩා ශූරතාවලියේදී එම පෞද්ගලික දක්ෂතාව අභිභවා යෑම විශේෂත්වයකි.
ඩී.එස් ගුණතිලක ඌව වෙල්ලස්ස විශේෂ
