මුල්ලේරියාව මාලිගාගොඩැල්ල ප්රදේශයේ පදිචිව සිටි 47 හැවිරිදි කුරුවිට ආරච්චිගේ දොන් හරිශ්චන්ද්ර හෙවත් වැලිශාන්ත නමැත්තා පසුගිය ජුනි 17 වැනිදා සිට නිවෙසට නොපැමිණි බව ඔහුගේ බිරිඳ විසින් මුල්ලේරියාව පොලිසිය වෙත පැමිණිලි කරන ලදි.
පැමිණිල්ල ලද දිනම මුල්ලේරියාව පොලිසිය අධිකරණය වෙත කරුණු වාර්තා කර දුරකතන විශ්ලේෂණ වාර්තා ද ලබාගෙන ඇත. පොලිස් නාවික නිලධාරීන් යොදවා මාලබේ චන්ද්රිකා කුමාරතුංග මාවතේ ඇළ ද සෝදිසියට ලක් කිරීමට පියවර ගෙන ඇත.
මේ සම්බන්ධයෙන් පුද්ගලයන් ගණනාවකගෙන්ම ප්රකාශ සටහන් කර ගනිමින් විමර්ශන කටයුතු පවත්වාගෙන යනු ලබන බව මුල්ලේරියාව පොලිස් ස්ථානාධිපතිවරයා පවසයි.
අතුරුදන් පුද්ගලයා පිළිබඳව තොරතුරක් දන්නා අයෙක් සිටි නම් මුල්ලේරියාව පොලිසියේ ස්ථානාධිපති 071 8591653 හෝ අපරාධ විමර්ශන අංශයේ ස්ථානාධිපති 071 85 94351 යන දුරකතන අංකවලට දන්වන ලෙස පොලිසිය මහජනතාවගෙන් ඉල්ලීමක් කරයි.
මුල්ලේරියාව - සිරිසේන ගමගේ