පසුගිය ජුනි 27 වැනිදාට යෙදී තිබුණු ජාත්‍යන්තර යෝග දිනය සැමරීම සඳහා මොල්ලිගොඩ, කළුතර දිස්ත්‍රික් ආයුර්වේද රෝහලේ වෛද්‍ය අධිකාරී ජේ.එම්.පී.කේ. ජයසුන්දර මහත්මියගේ උපදෙස් පරිදි එම රෝහලේ යෝග සායනය භාර වෛද්‍යවරුන් වන වෛද්‍ය හසිත් ප්‍රනාන්දු සහ වෛද්‍ය නදීෂා හඳුන්ගමගේ යන මහත්ම මහත්මීන් සමඟ එම රෝහලේ යෝග උපදේශක වෛද්‍ය පාලිත රුවන් ජයනෙත්ති එක්වී යෝග අභ්‍යාස පිළිබඳව මහජනතාව දැනුම්වත් කිරීමේ ප්‍රායෝගික වැඩසටහනක් පැවැත්වූහ.
ඖෂධ භාවිත නොකර යෝග අභ්‍යාස මඟින් රෝගීන් සුවපත් කළ හැකි බව මෙහිදී එම වෛද්‍යවරු ජනතාවට පැහැදිලි කළහ.
බටහිර වෛද්‍ය ක්‍රමයට අමතරව දියුණු ලෝකයේ බොහෝ රටවල දැන් යෝග අභ්‍යාස ක්‍රම මඟින් රෝගීන් සුවපත් කිරීමේ ක්‍රමවේදය අතිශයින් ජනප්‍රිය වී ඇතැයි මෙහිදී යෝග සායනය භාර වෛද්‍යවරුන් වන හසිත් ප්‍රනාන්දු හා නදීෂා හඳුන්ගමගේ යන මහත්ම මහත්මීහු පැවසූහ.
මෙම යෝග අභ්‍යාස /ව්‍යායාම වැඩමුළුව සඳහා රෝගීන් කිහිප දෙනෙක්ද වෛද්‍යවරුන් සමඟ එක්වූහ. සමූහ ඡායාරූපයෙන් දැක්වෙනුයේ කළුතර දිස්ත්‍රික් ආයුර්වේද රෝහලේ යෝග අභ්‍යාස වැඩමුළුව ඉදිරිපත් කළ යෝග ව්‍යායාම් කණ්ඩායමයි.
කළුතර මධ්යම විශේෂ
