ඉපලෝගම පොලිස් වසමේ හිරිපිටියාගම ප්රදේශයේ නිවසක තිබී සැකකටයුතු ලෙස ජීවිතක්ෂයට පත් වූ පුද්ගලයකුගේ මළ සිරුරක් පෙරේදා (30දා) සොයාගත් බව ඉපලෝගම පොලිසිය පවසයි.
මෙලෙස, ජීවිතක්ෂයට පත්ව ඇත්තේ ඉපලෝගම, හිරිපිටියාගම, අලුත් පාර ප්රදේශයේ පදිංචි 66 හැවිරිදි හේරත් බණ්ඩාගේ රත්නායක නමැති පුද්ගලයෙකි.
පෙරේදා (30 දා) පොලිස් හදිසි ඇමතුම් අංකයට 119 ලද තොරතුරකට අනුව පස්වරු 3.10ට පමණ මෙම මරණය සොයා ගත් බව පොලිසිය කියයි.
මෙම සිද්ධිය සම්බන්ධයෙන් මරණකරුගේ පුත්රයා වන 34 හැවිරිදි පුද්ගලයෙකු සැකපිට අත්අඩංගුවට ගෙන ප්රශ්න කළද එම මරණයට, සැකකාර පුත්රයා සම්බන්ධ බවට මෙතෙක් තොරතුරු අනාවරණය නොවූ බව පොලිසිය කියයි.
දේහය සම්බන්ධයෙන් හදිසි මරණ පරීක්ෂණය පවත්වා පශ්චාත් මරණ පරීක්ෂණය සිදු කිරීමට නියමිතව තිබිණි.
මෙම සිද්ධිය සම්බන්ධයෙන් ඉපලෝගම පොලිසියේ ස්ථානාධිපති ප්රධාන පොලිස් පරීක්ෂක එච්.ඒ.යූ.එස්. හපුආරච්චි මහතාගේ උපදෙස් මත පොලිස් නිලධාරීන් කණ්ඩායමක් වැඩිදුර විමර්ශන සිදුකරයි.
අනුරාධපුර සංචාරක සශිනි මධුෂානි