ප්‍රංශ මැතිවරණයේ පළමු වටයෙන්ම දක්ෂිණාංශික පක්ෂය ජය ගැනීමෙන් කෝපයට පත් ජනාධිපති මැක්‍රොන් හිතවාදී එරට දහස් සංඛ්‍යාත ඡන්දදායකයන් සහ සංක්‍රමණිකයන් වීදි බැස ප්‍රචණ්ඩ ලෙස හැසිරීමට පටන් ගත් බව විදෙස් මාධ්‍ය වාර්තා කළේය. සංක්‍රමණිකයන් සම්බන්ධ නීති දැඩි කිරීමේ ප්‍රතිපත්තියක් ප්‍රකාශයට පත් කර ඇති එරට දක්ෂිණාංශික පක්ෂයේ නායිකා මැරීන් ලේ පෙන්ගේ ජයග්‍රහණය ප්‍රකාශයට පත්වීමත් සමඟ පැරිස් නුවරත් ඒ අවට ප්‍රදේශවලත් ප්‍රචණ්ඩ ක්‍රියා පැතිරී ගොස් ඇති අතර, විරෝධතාකරුවන් කඩසාප්පුවල වීදුරු කවුළු කඩා දමමින් ද, රථවාහනවලට ගිනි තබමින් ද සිය කෝපය ප්‍රකාශ කර ඇතැයි වාර්තා වේ. තත්ත්වය පාලනය කිරීමට කැරලි මර්දන පොලිස් භට කණ්ඩායම් කැඳවීමට රජයට සිදුවූ බවත්, එදින අලුයම දක්වා පැතිරී ගිය ප්‍රචණ්ඩ ක්‍රියා මැඬ පැවැත්වීමට පොලිසිය ද අසමත් වූ බවත් විදෙස් මාධ්‍ය වැඩිදුරටත් වාර්තා කළේය.
