ව්යාජ අත්තුවක්කුවක් ළඟ තබාගෙන සිටි අමෙරිකාවේ නිව්යෝර්ක් නුවර උටිකා ප්රදේශයේ 13 හැවිරිදි මියන්මාර සරණාගත දරුවකු පසුගියදා පොලිස් වෙඩි පහරින් ජීවිතක්ෂයට පත්වීම සම්බන්ධව නිව්යෝර්ක් නුවර නීතිපති ජනරාල් කාර්යාලයෙන් විමර්ශනයක් ආරම්භ කර ඇතැයි විදෙස් මාධ්ය වාර්තා කළේය. නායාහ් එමවේ නමැති එම දරුවා පොලිස් නිලධාරීන් වෙත අත්තුවක්කුවක් එල්ල කරමින් දිවයෑමට උත්සාහ කළ බව ඔහුට වෙඩි තැබූ පොලිස් නිලධාරියා ප්රකාශ කර ඇතැයි විදෙස් මාධ්ය වැඩිදුරටත් වාර්තා කළේය.
නිව්යෝර්ක් පොලිසිය ප්රකාශ කර ඇත්තේ ඊට පෙර දින උටිකා ප්රදේශයේදී සොරකමක් හේතුවෙන් එදින රාත්රියේ ජංගම පොලිස් රථයක් එම ප්රදේශයට පැමිණ ඇති අතර, එහිදී හමුවූ එම දරුවාගෙන් ප්රශ්න කරමින් සිටියදී ඔහු අත්තුවක්කුවක් එල්ල කර අනතුරුව පලා යෑමට උත්සාහ කර ඇති බවය. පසුව පොලිස් නිලධාරියකු ඔහු පසුපස හඹා ගොස් මෙල්ල කරගැනීමෙන් පසු එම ස්ථානයට පැමිණි තවත් පොලිස් නිලධාරියකු දරුවාට වෙඩි තැබූ බව පොලිස් නිලධාරීන්ගේ නිල ඇඳුමේ සවි කර තිබූ කැමරාවේ පටිගත වී ඇතැයි නිව්යෝර්ක් පොලිසිය වැඩිදුරටත් ප්රකාශ කර ඇතැයි වාර්තා වේ.