114
ප්‍රංශයේ පැරිස් අගනුවරට නැඟෙනහිරෙන් පිහිටි අධිවේගී මාර්ගයකට සැහැල්ලු ගුවන්යානයක් කඩා වැටීමෙන් එහි ගමන් ගත් පුද්ගලයන් තිදෙනකු ජීවිතක්ෂයට පත්වූ බව විදෙස් මාධ්‍ය වාර්තා කළේය. පෙරේදා මේ අනතුර සිදුවී ඇති අතර, ඒ මොහොතේ අධිවේගී මාර්ගයේ කිසිදු වාහනයක් ගමන් නොකිරීම නිසා දරුණු අනතුරක් වැළකී ගිය බවද විදෙස් මාධ්‍ය වැඩිදුරටත් වාර්තා කළේය. අනතුරට හේතුව ගුවන්යානය විදුලි රැහැනක පැටලීම විය හැකි බවට පොලිසිය අනුමාන කර ඇති අතර, අනතුර සිදුවීමත් සමඟ අධිවේගී මාර්ගයේ දෙපසම වාහන ගමනාගමනයට බාධා සිදුවූ බවද වාර්තා වේ. එම සැහැල්ලු ගුවන්යානය සංචාරකයන් කිහිපදෙනකු රැගෙන ගමන් කළ ගුවන්යානයක් වන අතර, මේ වන විට අනතුර පිළිබඳ විමර්ශනයක් ආරම්භ කර ඇතැයි ද වාර්තා වේ.
