රජයේ පාලන මිලට වඩා වැඩි මුදලකට සහල් අලෙවි කළ ව්යාපාරිකයන් 11 දෙනකු මියන්මාර හමුදා රජය විසින් අත්අඩංගුවට ගනු ලැබූ බව විදෙස් මාධ්ය වාර්තා කළේය. අත්අඩංගුවට ගත් පිරිස අතර එරට සුපිරි වෙළෙඳසලක මෙහෙයුම් නිලධාරියා ලෙස කටයුතු කළ ජපාන ජාතික විධායක නිලධාරියකු ද සිටින බව විදෙස් මාධ්ය වැඩිදුරටත් වාර්තා කළේය. අත්අඩංගුවට ගත් පිරිස අතර සහල් වෙළෙඳුන්, සහල් මෝල් හිමියන් සහ සිල්ලර සහල් වෙළෙඳුන් ද සිටින බව මියන්මාර රජයේ නිලධාරියකු ප්රකාශ කර තිබේ.
මියන්මාරයේ පවතින ආර්ථික අර්බුදය සහ වර්තමානයේ පවතින සිවිල් යුද්ධය හේතුවෙන් දැඩි දුෂ්කරතාවට ලක්වී සිටින මියන්මාර රජය සහල් ඇතුළු අත්යවශ්ය පාරිභෝගික ද්රව්ය සඳහා පාලන මිලක් නියම කර ඇති අතර, පුද්ගලයන් 11 දෙනකු අත්අඩංගුවට ගෙන ඇත්තේ එම පාලන මිලට වඩා 70%ක අධික මිලකට සහල් අලෙවි කිරිමේ චෝදනාවට බව ද වාර්තා වේ.