අභ්‍යවකාශ ක්ෂේත්‍රය ජය ගැනීමට ඔස්ට්‍රේලියානු රජය ඉන්දියාව සමඟ අමෙරිකානු ඩොලර් මිලියන 18ක ඒකාබද්ධ ව්‍යාපෘතියකට අත්සන් තැබූ බව විදෙස් මාධ්‍ය වාර්තා කළේය. දේශගුණික විපර්යාස, නිෂ්පාදන ඉහළ දැමීම සහ උසස් ප්‍රමිතියෙන් යුතු කෘත්‍රිම බුද්ධිය වැඩි දියුණු කිරීම වැනි අරමුණු කිහිපයක් ඉලක්ක කරමින් එම ගිවිසුමට අත්සන් තබා ඇතැයි විදෙස් මාධ්‍ය වැඩිදුරටත් වාර්තා කළේය.
ඉන්දියාවේ නව අභ්‍යවකාශ සමාගම සහ ඔස්ට්‍රේලියාවේ අභ්‍යවකාශ යාන්ත්‍රික සමාගම අතර එම ගිවිසුම අත්සන් කිරිමේ අවස්ථාවට ඉන්දීය අභ්‍යවකාශ පර්යේෂණ ආයතනයේ ප්‍රධානි එස්.සෝමනාත් සහ ඉන්දියාවේ ඔස්ට්‍රේලියානු මහකොමසාරිස් පිලිප් ග්‍රීන් ද එක්වී ඇතැයි එරට මාධ්‍ය සඳහන් කළේය. දෙපාර්ශ්වය අතර අභ්‍යවකාශ ව්‍යාපෘති සඳහා ගිවිසුම් 3කට අත්සන් තැබීමට නියමිතව ඇතැයි ඉන්දියාවේ ඔස්ට්‍රේලියානු මහකොමසාරිස්වරයා එහි දී සඳහන් කර තිබේ.
