සජිත්ගේ ආණ්ඩුවක් යටතේ හොරු අල්ලන වැඩේ භාරදෙන්නේ ෆොන්සේකාට යැයි සජිත් ප්‍රකාශ කළ බවත් දැන් ඒ ෆොන්සේකා වංචා දූෂණ හෙළි කරන බවට සජිත් පසුපස පන්නන බවත් ජාතික ජන බලවේගයේ නායක අනුර කුමාර දිසානායක මහතා පැවසීය.
ආණ්ඩුව එන්නත් කලින් දැන් සරත් ෆොන්සේකා කැසිනෝ සල්ලි ගලා එන හැටි පෙන්වා දෙමින් හොරෙක් හෙළිකර තිබෙන බව ද ඒ මහතා කීය. මහනුවර දී පැවැති රැස්වීමක දී අනුර කුමාර දිසානායක මහතා මේ බව පැවසුවේය.
එහිදී වැඩිදුරටත් අදහස් දක්වමින් සජිත් ප්‍රේමදාසට ජනපතිවරණය සඳහා තරග කිරීමට ඇති එකම සුදුසුකම එයාම කියන පරිදි ප්‍රේමදාසගේ පුතා වීම බව ද හෙතෙම අවධාරණය කළේය.
දෙගිඩියාවක් අවිනිශ්චිතතාවක් නැහැ මේ වසරේ ජනපතිවරණය පැවැත්විය යුතුයි. මැතිවරණ කොමිසමට නාම යෝජනා භාර ගැනීමෙන් පසු සති හතරක් ඇතුළත ජනපතිවරණය පවත්වන දිනය ප්‍රකාශයට පත් කළ යුතුයි. ජනපතිවරණය බොහෝ විට සැප්තැම්බර් 28 හෝ ඔක්තෝබර් 05 පැවැති විය හැකි යැයිද කීවේය.
