හතළිස් අටවැනි ජාතික ක්රීඩා තරගාවලියේ පිරිමි පාපන්දු ශූරතාව වසර 5කට පසු උතුර පළාත හිමිකර ගත් අතර, පසුගිය ශූර වයඹ පරාජය කළ බස්නාහිර ක්රීඩිකාවෝ එහි කාන්තා ශූරතාව දිනා ගත්හ.
![පිරිමි පාපන්දු අවසන් තරගයේදී උතුර හා වයඹ අතර උණුසුම් අවස්ථාවක්. ඡායාරූප - ප්රින්ස් ගුණසේකර](https://www.dinamina.lk/wp-content/uploads/2024/06/12-9.jpg)
පිරිමි පාපන්දු අවසන් තරගයේදී උතුර හා වයඹ අතර උණුසුම් අවස්ථාවක්. ඡායාරූප – ප්රින්ස් ගුණසේකර
යාපනය දොරෙයි අප්පා ක්රීඩාංගණයේ පෙරේදා නිමාවූ මේ තරගාවලියේ පිරිමි අවසන් තරගයේදී උතුරු පළාත් පිල දඬුවම් පහර 4-3කින් වයඹ පළාත් පිල පරාජයට පත් කළේය. නියමිත කාලයේදී ගෝල් 1-1ක් ලෙස සම තත්ත්වයට පත්වීමෙන් දෙපිලට දඬුවම් පහර ප්රදානය විය. මෙහි තෙවැනි ස්ථානය දකුණු පළාත දිනා ගත්තේය.
බස්නාහිර – වයඹ අතර කාන්තා පාපන්දු අවසන් තරගය ගෝල් වාර්තා නොවී සමවූ හෙයින් දෙපිලට දඬුවම් පහර ප්රදානය විය. එහිදී දඬුවම් පහර 4-3ක් ලෙස බස්නාහිර පළාත ජය හිමිකර ගත්තේය. කාන්තා පාපන්දු තෙවැනි ස්ථානය සබරගමුව දිනා ගත්තේය. දක්ෂතම ක්රීඩිකාවට හිමි සම්මානය බස්නාහිර පළාතේ ප්රවීනා මධුකි පෙරේරා දිනා ගත්තාය. පළාත් 9ක කාන්තා හා පිරිමි කණ්ඩායම් සහභාගිවූ මූලික වටය පිළිමලුන් පිටු දැකීමේ ක්රමයට පැවැත්විණි. ජාතික මහා ක්රීඩා තරගාවලියේ පසුගිය වසරේ කාන්තා පාපන්දු ශූරතාව වයඹ දිනාගත් අතර, එහි අනුශූරතාව බස්නාහිර ක්රීඩිකාවෝ දිනා ගත්හ.
ප්රින්ස් ගුණසේකර යාපනය දොරේ අප්පා ක්රීඩාංගණයේ සිට...