රිදීමාලියද්ද ප්රාදේශීය ලේකම් කොට්ඨාසට අයත් බුබුළ ග්රාම නිලධාරි වසමේ බඹරගහඋලපොත ප්රදේශයේ පෞද්ගලික ඉඩමක කැපූ තේක්ක දැව තොගයක් බල පත් නොමැතිව ප්රවාහනය කිරීමට සූදානම් බවට ප්රාදේශවාසීන් විසින් රිදීමාලියද්ද පොලිසියට වෙත තොරතුරු ලබා දී ඇති අතර පොලිසිය සිද්ධිය සම්බන්ධයෙන් ක්රියා නොකිරීම නිසා ප්රදේශවාසීන් රිදීමාලියද්ද ප්රාදේශීය ලේකම්තුමිය දැනුවත් කර ඇති අතර රිදීමාලියද්ද ප්රාදේශීය ලේකම් තක්ෂිලා ගුණරත්න සහ තවත් නිලධාරීන් දෙදෙනෙකු සමඟ 29දා ඒම ස්ථානයට ගොස් එම දැව තොගය නිරීක්ෂණය කර එම දැව තොගයේ කුට්ටි වාර්තාව ගෙන රිදීමාලියද්ද පොලිසියට භාර දී ඇත.
දින කිහිපයක සිට බුබුළ ග්රාම නිලධාරි වසමේ ඉඩමක තේක්ක ගස් කිහිපයක් කපා බලපත්ර නොමැතිව ප්රවාහණය කිරීමට සූදානම් කර ඇති බවට තමන්ට තොරතුරු ලැබුණ බවත් එම තොතුරු මත මහියංගණන වන සංරක්ෂණ කාර්යාලයේ නිලධාරීන් දැනුවත් කළ බවත් වන සංරක්ෂණ කාර්යාලය ඉකුත් 28 වන දින රාත්රියේ එම ස්ථානයට ගොස් දැව තොගය සොයාගෙන ඇති අතර හිමිකරුවෙකු ඉදිරිපත් නොවීම හේතුවෙන් එම දැව කඳන් තොගය අත්අඩංගුවට ගැනීමට නොහැකි බව තමන් දැනුවත් කළ බවත් ප්රාදේශීය ලේකම් තක්ෂිලා ගුණරත්න මහත්මිය කීවාය.
කෙසේ නමුත් මෙම දැව ජාවාරම සම්බන්ධයෙන් ප්රදේශවාසීන් දින කිහිපයකට පෙර රිදීමාලියද්ද පොලිස් ස්ථානයට ද තොරතුරු ලබා දී ඇති අතර එවැනි සිදුවීමක් පොලිසියට සොයා ගැනීමට නොහැකි බව තොරතුරුකරුවන්ට දැනුම්දීමෙන් අනතුරුව තොරතුරුකරුවන් ප්රාදේශීය ලේකම්වරිය දැනුවත් කර මෙම වැටලීම සිදුකර ඇති බවට තොරතුරු අනාවරණය වී ඇත.
අදාළ ඉඩමි හිමියාගෙන් ප්රාදේශීය ලේකම් වරිය විසින් සිදුකළ විමසීම්වලදී ඉඩම් හිමියා කියා සිටියේ පුනැගෑව ප්රදේශයේ දැව විකුණන පුද්ගලයෙකුට තේක්ක ගස් විකුණු බවත් එම පුද්ගලයා බලපත් නොමැතිව පොලිසිය සම්බන්ධ කරගෙන මෙම ගස් කැපු බවත්ය.
අදාළ දැව ජාවාරම සම්බන්ධයෙන් රිදීමාලියද්ද පොලිසිය විසින් මෙම දැව තොගය සහ පුද්ගලයන් දෙදෙනෙකු අත්අඩංගුවට ගෙන ඇති බව පොලිසිය කීය.
පොලිසිය මේ පිළිබඳ වැඩිදුර පරීක්ෂණ පවත්වයි.
බදුල්ල දකුණ සමුහ - විමුක්ති සංජය පෙරේරා