අධික වේගයෙන් පැමිණි කන්ටේනර් රථයක් යතුරුපැදියකින් ගමන් කරමින් සිටි පුද්ගලයකු යටකරමින් අසල නිෙවසකට කඩා වැදී තිබූ බව පොලිසිය කියයි.
ඉකුත් 23 දා දහවල් බෝපිටිය පොලිස් වසමේ කොළඹ – කටුනායක අධිවේගී මාර්ගයේ බෝපිටිය පිවිසුමේදී මෙම අනතුර සිදුව තිබේ. අධිවේගී මාර්ගය දෙස සිට අධික වේගයෙන් පැමිණි කන්ටේනර් රථය මාර්ගය මැද ඇති දූපත උඩින් පැමිණ මාර්ගයේ ගමන්ගත් යතුරුපැදිකරුවකු ද යට කරමින් අසල නිෙවසකට කඩා වැදී ඇත. අනතුරින් නිෙවසට ද බරපතළ හානි සිදු තිබේ. එහිදී යතුරුපැදිය සුනු විසුනු වී ගොස් යතුරුපැදියේ ගමන් ගත් අය එම ස්ථානයේදීම මරුමුවට පත් විය. අනතුරින් එම ස්ථානයේ තිබූ බාබර් සාප්පුවක සිටි අයකු ද තුවාල ලබා ඇත.
මෙම අනතුරින් මියගොස් තිබුණේ අංක 387/ඒ, පරණ අම්බලම උස්වැටකෙයියාව පදිංචි සුරේෂ් රොෂාන් (43) නමැති පාසල් වියේ පසුවන දරුවන් දෙදෙනෙකු සිටින පියෙකි. මිය ගිය අය විදේශගතව සිට ටික කලකට පෙර ලංකාව ට පැමිණි අයෙකි. මියගිය අය සිය බිරියව ඇයගේ සේවා ස්ථානයට ඇරලවා නිෙවසට අවශ්ය එළවළු රැගෙන එමින් සිටියදී අනතුරට ලක්ව තිබේ. අනතුරින් පසුව කන්ටේනර් රථයේ රියැදුරු පොලිස් අත්අඩංගුවට ගෙන ඇත. සිද්ධිය සම්බන්ධයෙන් වැඩිදුර පරීක්ෂණ කටයුතු බෝපිටිය පොලසිය විසින් සිදු කරනු ලබයි.
ජා ඇල සමූහ - ප්රසංග පෙරේරා