මෙරට ණය ප්රතිව්යූහගත කිරීම සම්බන්ධයෙන් තොරතුරු වඩාත් නිවැරැදිව සමාජගත කිරීම සඳහා හෙට (2) සහ අනිද්දා (3)දෙදින පාර්ලිමේන්තු විවාදය පවත්වන බව ආණ්ඩු පක්ෂ ප්රධාන සංවිධායක, නාගරික සංවර්ධන හා නිවාස අමාත්ය ප්රසන්න රණතුංග මහතා පවසයි.
ඒ අනුව ණය ප්රතිව්යූහගත කිරීමෙන් මෙරටට ලැබෙන වාසි හා අවාසි පිළිබඳ ජනතාවට අවබෝධයක් ලැබුණු ඇතැයිද අමාත්යවරයා අවධාරණය කරයි.
එබැවින් තැන් තැන්වල රොක්වී ජනතාව නොමඟ යවන අසත්ය තොරතුරු පවසනවා වෙනුවට මෙම විවාදයට සහභාගී වී රටට හා ජනතාවට වැදගත් යෝජනා හා අදහස් ඉදිරිපත් කිරීමේ හැකියාව විපක්ෂයට පවතින බව ද අමාත්ය ප්රසන්න රණතුංග මහතා කීය. නමුත් පාර්ලිමේන්තු ස්ථාවර නියෝගවලට මුවාවී මෙරට ණය ප්රතිව්යුහගත කිරීමේ පාර්ලිමේන්තු විවාදය කඩාකප්පල් කරමින් සුපුරුදු අඳබාල දේශපාලනය කිරීමේ ක්රියාවලියක නිරතවීමට විපක්ෂය සූදානම් වන බව ද අමාත්යවරයා අවධාරණය කරයි. මෙම අසීරු මොහොතේදීත් ජනතා විමුක්ති පෙරමුණ හා සමඟි ජන බලවේගය එවන් ප්රථමික දේශපාලනයක නිරතවීම සම්බන්ධයෙන් තමන් කනගාටුවට පත්වන බව කී අමාත්ය ප්රසන්න රණතුංග මහතා විපක්ෂයේ සැබෑ උවමනාව ජනතාවගේ කඳුළු මතින් දේශපාලන කිරීම බව ද සඳහන් කළේය. ජනාධිපති රනිල් වික්රමසිංහ මහතාගේ නායකත්වයෙන් යුතු රජය රටට හා ජනතාවට අහිතකර කිසිඳු යෝජනාවක් ක්රියාත්මක නොකරන බව ද කීවේය.
විපක්ෂයේ මජර දේශපාලන ක්රියාවලිය පරාජය කිරීමට ආණ්ඩු පක්ෂය හොඳින් සූදානම් බව ද අවධාරණය කළ අමාත්ය ප්රසන්න රණතුංග මහතා ඒ සඳහා විපක්ෂයේ රටට ළැදි මන්ත්රීවරුන්ගේ සහ පක්ෂ නායකයන්ගේ සහයද රජයට ලැබෙන බව ද වැඩිදුරටත් සඳහන් කළේය.