206
ප්‍රවීණ මාධ්‍යවේදී සහ ලේඛක ධර්ම ශ්‍රී තිලකවර්ධන මහතාගේ ආදරණීය පියාණන් වන විශ්‍රාමික හමුදා සැරයන් ෆ්‍රීමන් ටෙඩි තිලකවර්ධන (ෆ්‍රීමන් හාමු) (89) මහතා අභාවප්‍රාප්ත විය. ප්‍රදේශයේ ප්‍රකට සමාජ සේවකයකු වූ ඒ මහතා අරුණ පුවත්පතේ උප කර්තෘ මෙන්ම ලක්බිම පුවත්පතේ හිටපු ප්‍රධාන උප කර්තෘ ධර්ම ශ්‍රී තිලකවර්ධන මහතා ඇතුළු දූ දරුවන් පස් දෙනකුගේ පියාණන් ද වේ.
තිලකවර්ධන මහතා නවගමුව සුගතබිම්බාරාම පත්තිනි මහ දේවාලයේ භාරකාර පිලිප් තිලකවර්ධන මහතාගේ මුණුපුරා මෙන්ම නවගමුව පත්තිනි මහ දේවාලයේ භාරකාර ධුරය දැරූ තිලකවර්ධන බණ්ඩාර මහතාගේ හා ඇග්නස් හාමු ඉස්කොලේ හාමිනේගේ පුතා ද වේ.
අවසන් කටයුතු හෙට (29) සවස ඉහළ බෝමිරිය ආදාහනාගාරයේදී පැවැත්වෙන අතර ආගමික වතාවත් එදින සවස 3.00ට නවගමුව කැකිරිවෙල පාරේ තිලකවාස නිවෙසේදී පැවැත්වේ.
