පණිරෙන්ඩාව රක්ෂිතයේ ඝාතනය කොට දමා තිබියදී සොයා ගැනුණ කුලියාපිටිය සුසිත් ඝාතකයන් යැයි සැක කෙරෙන සැකකරුවන් තවදුරටත් රක්ෂිත බන්ධනාගාරගත කරන්නැයි කුලියාපිටිය මහේස්ත්‍රාත් රන්දික ලක්මාල් ජයලත් මහතා පෙරේදා (24) නියම කළේය.
වැවතැන්න කැප්පෙටිපොළ පදිංචි උදය ප්‍රසන්න, තිළිණ කීර්තිරත්න, පඩිවෙල පොතුවිලවත්ත හිල්ඩා ප්‍රනාන්දු, දික්හැර ඉලුක්හේන ජයසිංහ දොන් චන්ද්‍රසේකර, පොතුවිල පඩිවෙල ඇන්ටන් ප්‍රනාන්දු, දික්හැර ඉලුක්හේන සුජිත් ප්‍රනාන්දු නොහොත් සිඟිති, දිලානි ශානිකා ජයසිංහ, චාරුක දේවින්ද ජයසිංහ, මනෝධ්‍යා ශෙරංගි, හම්මලව සුරංග පද්මකුමාර හා පොලොන්නරුව පදිංචි කවිඳු නමැති සැකකරුවන් 11ක් මෙලෙස යළි රක්ෂිත බන්ධනාගාරගත කෙරිණි.
කුලියාපිටිය පොලිසියේ පොලිස් පරීක්ෂක නීතිඥ රත්නායක, සැරයන් සෝමවීර (35170) යන මහත්වරුන් පැමිණිල්ල මෙහෙයවූ මෙම නඩුවේ අගතියටපත් පාර්ශ්වය වෙනුවෙන් නීතිඥ නිම්නා හර්ෂණී මහත්මිය හා සැකකරුවන් වෙනුවෙන් නීතිඥ කැලුම් හෙට්ටිගමගේ, චන්දන යාපා, චම්පික ලසිතකුමාර, දයානි එදිරිසිංහ යන මහත්වරු පෙනී සිටියහ.
