අක්ක‍ෙරයිපත්තුවේ වාරිමාර්ග රක්ෂිත ඉඩමක් ගොඩකිරීම සඳහා අවසර දීමට රුපියල් ලක්ෂ 04ක් අල්ලස් ලෙස ඉල්ලා ඉන් රුපියල් ලක්ෂ 02ක් සිය රියැදුරා හරහා ලබා ගත් වාරිමාර්ග ඉංජිනේරුවරයකු සහ මුදල් ලබාගත් රියැදුරා අල්ලස් හෝ දූෂණ විමර්ශන කොමිෂන් සභාවේ නිලධාරින් පසුගියදා අත්අඩංගුවට ගෙන ඇත.
ලද තොරතුරකට අනුව අක්ක‍ෙරයිපත්තුව ප්‍රදේශයේ සිදුකළ විමර්ශනයක් අතරතුර, වාරිමාර්ග ඉංජිනේරුවරයා ඉඩම ගොඩකිරීම සඳහා අවසර ඉල්ලූ පුද්ගලයා වෙත දුරකතන ඇමතුමක් ලබා දෙමින්, රුපියල් ලක්ෂ 02ක මුදල සිය රියැදුරාට ලබා දෙන ලෙස දන්වා ඇති අතර එම මුදල් ලබා ගනිද්දී කොමිසමේ නිලධාරින් සිය භාරයට ගෙන ඇත.
ඉඩම් හිමිකරුගෙන් මුදල් ලබාගත් රියැදුරා මුදල් රැගෙන සිය නිවෙස වෙත යමින් සිටි අවස්ථාවේ පරීක්ෂාවෙන් සිටි අල්ලස් හෝ දූෂණ විමර්ශන කොමිෂන් සභාවේ නිලධාරීන් අල්ලස් වශයෙන් ලබාගත් මුදල් සමඟ ඔහු අත්අඩංගුවට ගැනීමෙන් පසු, වාරිමාර්ග ඉංජිනේරුවරයා ද අත්අඩංගුවට ගෙන ඇත.
