98
සංචාරක ආකර්ෂණය දිනාගත් ඇල්ල ආරුක්කු නවය පාලමේ බඹර වද ඉවත් කිරීමේ වැඩසටහනක් ඊයේ (13) සහ අද (14) සිදු කිරීමට නියමිතය.
මෙම ස්ථානයේ ඇති බඹර වද ඇවිස්සීම නිසා එය නැරැඹීමට පැමිණෙන සංචාරකයන් නිරන්තරයෙන්ම අවදානමට ලක්වේ.
මෙයට පිළියමක් ලෙස මීට පෙර ඇල්ල ප්‍රාදේශීය ලේකම් කාර්යාලය මඟින් එම ස්ථානයේ බඹර ප්‍රහාරයකදී ආරක්ෂා වීම සඳහා ආරක්ෂිත කුටියක් ද නිර්මාණය කරන ලදි.
එහි තවත් පියවරක් ලෙස මෙම දෙදින තුළ ක්‍රියාත්මක කරන වැඩසටහන සඳහා මූල්‍ය දායකත්වය ඇල්ල ප්‍රාදේශීය ලේකම් කාර්යාලය, ඇල්ල සංචාරක පොලිසිය, මධ්‍යම සංස්කෘතික අරමුදල සහ ප්‍රදේශවාසීන් දරා ඇති අතර, දුම්රිය දෙපාර්තමේන්තුවේ අනුමැතිය හා අධීක්ෂණය යටතේ බිඟු සුරැකීමේ සංවිධානය මෙම වැඩසටහන ක්‍රියාත්මක කරන ලදි.
