ඉන්දීය ජනපති නරේන්ද්‍ර මෝදි මහතාගේ දිවුරුම් දීමේ උත්සවය සඳහා ජනාධිපති රනිල් වික්‍රමසිංහ මහතා සහභාගි වීම දෙරට අතර පවතින අනොන්‍ය මිත්‍රත්වය වර්ධනය වීමක් බව බව ජාත්‍යන්තර අවන්හල් උපදේශක වැලන්ටයින් බාබෝසා මහතා පැවසීය. ඒ මහතා මේ බව කියා සිටියේ කොල්ලුපිටිය මැරයින් ඩ්‍රයිව් ව්‍යාපාරික ඩිලන්ත සිල්වා මහතාට අයත් අලුතින් ආරම්භ කරන ව්‍යාපාරික ස්ථානයක පැවති උත්සවයකට එක් වෙමිනි.
ශ්‍රී ලංකාවේ පවතින වර්තමාන තත්ත්වය වඩාත් සුභදායි තත්ත්වයක් බව පවසන ඒ මහතා, මෙරට සංචාරක ප්‍රවර්ධනය උදෙසා මෙරට ජනාධිපති රනිල් වික්‍රමසිංහ මහතා සිදු කරන කාර්යභාරය වඩාත් අගය කරන බවද කීවේය. විදේශිකයකු වන තමාද සංචාරක කර්මාන්තයට අදාළව කටයුතු කරන බවත් සංචාරක කර්මාන්තය නංවාලීමට ගෙන යන වැඩසටහන් ඉතා ප්‍රසංශනීය බවද ඔහු පැවසීය.
එහිදී තවදුරටත් අදහස් දැක්වූ ඒ මහතා මෙසේද ප්‍රකාශ කළේය:
“ශ්‍රී ලංකාව ඉතා සුන්දර රටක්; වඩාත් මිත්‍රශීලී ජනතාවක් සිටින රටක්. ඉන්දියාවේ සිට මෙරටට පැමිණීමෙන් පසු මෙය අතිශය ආකර්ෂණීය රටක් බවට තහවුරු වුණා. මේ රටේ සුන්දරත්වය වචනවලින් කියන්න බෑ. කොල්ලුටිය අවට මුහුදු ආශ්‍රිතව ඇති මනරම් සුන්දර පරිසරය මා වඩාත් ආකර්ෂණය කළා. මා රටවල් ගණනාවක සංචාරය කළා. ඒ රටවල් ගණනාවක සංචාරක කර්මාන්තයට අදාළව අවන්හල්වල උපදේශකවරයකු ලෙස කටයුතු කර තිබෙනවා. මගේ ආකර්ෂණය වඩාත දිනාගත්තේ ශ්‍රී ලංකාවයි. මම ශ්‍රී ලංකාවට ආදරෙයි. අවස්ථාවක් ලැබුණොත් ශ්‍රී ලංකාව තුළ නවතින්න පවා මගේ විශාල කැමැත්තක් තිබෙනවා. මම සුබ පතනවා ශ්‍රී ලංකාවේ සංවර්ධනයට.”
