ඊ කොලි නමැති බැක්ටීරියා වර්ගයක් පැතිරීම හේතුවෙන් බ්රිතාන්යයේ විවිධ පළාත්වල රෝගී වූ පුද්ගලයන් 37 දෙනකු රෝහල්ගත කර ඇතැයි ද, එය වසංගතයක් බවට පත්වෙමින් තිබෙන බවද බ්රිතාන්ය සෞඛ්ය ආරක්ෂක ඒජන්සිය ප්රකාශ කළ බව එරට මාධ්ය වාර්තා කළේය. ඊ කොලි බැක්ටීරියා වර්ගය ආහාර මගින් ව්යාප්ත වී ඇතැයි අනුමාන කළද, එය කිනම් ආහාර වර්ගයකින් ව්යාප්ත වන්නේදැයි බ්රිතාන්ය සෞඛ්ය ආරක්ෂක ඒජන්සිය හෙළි කර නැති බවත් එරට මාධ්ය වැඩිදුරටත් වාර්තා කළේය.
එම ආහාර වර්ගයෙන් ව්යාප්ත වූ ඊ කොලි බැක්ටීරියාව ආසාදන වූ පුද්ගලයන් 113 දෙනකු දැනට හඳුනාගෙන ඇතැයි ද, එම බැක්ටීරියාව අවුරුදු 2 සිට අවුරුදු 79 අතර වයස් කාණ්ඩයේ පුද්ගලයන්ට ආසාදනය වී ඇතැයි හෙළිවූ බවද බ්රිතාන්ය සෞඛ්ය ආරක්ෂක ඒජන්සිය වැඩිදුරටත් සඳහන් කර තිබේ. මේ අතුරින් වැඩිම රෝගීන් සංඛ්යාවක් වාර්තා වී ඇත්තේ එංගලන්තයෙන් බවත්, එය ප්රමාණයෙන් 81ක් බවත් වාර්තා වේ. මීට අමතරව වේල්සයෙන් 18 දෙනකු, ස්කොට්ලන්තයෙන් 13 දෙනකු සහ උතුරු අයර්ලන්තයෙන් එක් රෝගියකු බැගින් හඳුනාගෙන ඇතැයි වැඩිදුරටත් වාර්තා වේ.
උදරයේ ආබාධ සහ උණ තත්ත්වය ඊ කොලි බැක්ටීරියා ආසාදනයේ රෝග ලක්ෂණ වන අතර, එම රෝග ලක්ෂණ සති දෙකක කාලයක් පවතින බවත් බ්රිතාන්ය සෞඛ්ය ආරක්ෂක ඒජන්සිය සඳහන් කර ඇති අතර, ජීවිත අවදානම සහිත වකුගඩු ආශ්රිත රෝගී තත්ත්වයක් එමගින් සිදුවීමට ඉඩ ඇතැයි ද අනතුරු අඟවා තිබේ.