ඉන්දීය අගමැතිවරයා ලෙස තුන්වැනි වරටත් පත් වූ නරේන්ද්‍ර මෝදිගේ දිව්රුම් දීමේ උත්සවයට සහභාගි වීම සඳහා බංග්ලාදේශ අගමැතිනිය ෂීක් හසීනා අද ඉන්දියාවට පැමිණීමට නියමිත බව විදෙස් මාධ්‍ය වාර්තා කළේය. දිව්රුම් දීමේ උත්සවයෙන් පසු දෙරටේ නායකයන් අතර විශේෂ හමුවක් පැවැත්වීමට ද නියමිත බව විදෙස් මාධ්‍ය වැඩිදුරටත් වාර්තා කළේය.
නවදිල්ලි නුවර බංග්ලාදේශ මහකොමසාරිස් කාර්යාලයේ මාධ්‍ය ප්‍රකාශක ෂබාන් මහමූද් සඳහන් කර ඇත්තේ අගමැතිනිය ෂීක් හසීනාගේ ඉන්දීය සංචාරය සිදු වන්නේ අගමැති මෝදිගේ ඇරියුමකට අනුව බවය. මෝදි සහ හසීනා අතර එම උත්සවයෙන් පසුව පැවැත්වීමට නියමිත විශේෂ හමුව හැරුණු විට වෙනත් කාර්යභාරයක් එම සංචාරයට ඇතුළත් නොවන බව ද බංග්ලාදේශ මහකොමසාරිස් කාර්යාලයේ මාධ්‍ය ප්‍රකාශක වැඩිදුරටත් සඳහන් කර ඇතැයි ද වාර්තා වේ. බංග්ලාදේශ අගමැතිනියට අමතරව නේපාල අගමැති පුෂ්පකමල් දාහල් ද එම උත්සවයට සහභාගි වන බව තහවුරු කර ඇතැයි විදෙස් මාධ්‍ය වැඩිදුරටත් වාර්තා කළේය. මීට අමතරව භූතානය සහ මොරිෂස් ජනාධිපතිවරුන්ට ද එම අවස්ථාවට සහභාගි වන ලෙස ඇරියුම් කර ඇතැයි වාර්තා වේ.
