තුන්වැනි වරටත් ඉන්දියාවේ අගමැතිවරයා ලෙස නරේන්ද්‍ර මෝදිගේ දිව්රුම් දීමේ උත්සවයට මාලදිවයින ජනාධිපති මොහොමඩ් මුයිසිට ද ඇරියුම් කර ඇතැයි විදෙස් මාධ්‍ය වාර්තා කළේය. ඉන්දියාවේ අසල්වාසී රටක් ලෙස මාලදිවයින ජනාධිපතිවරයාගේ සහභාගිත්වය ඉන්දියාව ඉහළින්ම අගය කරන බව සඳහන් කර ඇතැයි ද විදෙස් මාධ්‍ය වැඩිදුරටත් වාර්තා කළේය.
පසුගිය වසරේ අගභාගයේදි මාලදිවයින් නව ජනපති ලෙස බලයට පත්වූ මොහොමඩ් මුයිසි දැඩි චීන හිතවාදියකු වන බවත්, ජනාධිපතිවරයා ලෙස පත්වීමෙන් පසු ඔහු එරට ඉන්දිය සම්බන්ධතා අවම කිරීමට පියවර ගෙන තිබු බවත් විදෙස් මාද්‍ය සඳහන් කළේය. කෙසේ වුවද අගමැති මෝදිගේ දිව්රුම් දීමේ උත්සවයට මාලදිවයින් ජනාධිපතිවරයාගේසහභාගීත්වය මෙතෙක් තහවුරු වී නැති බවත් වැඩිදුරටත් වාර්තා වේ.
ඉන්දියාවේ සමීපතම රටක් ලෙස අගමැති මෝදිගේ තුන්වැනි ධුර කාලයේ දිව්රුම් දීමේ උත්සවයට මාලදිවයින ජනාධිපතිවරයාට ඇරියුම් කර ඇතැයි ද, දෙරට අතර සහයෝගීතාව නැවත පිළිසකර කිරිමේ අවශ්‍යතාව මත එම ඇරියුම සිදු කර ඇතැයි ද වැඩිදුරටත් වාර්තා වේ. මාලදිවයින ඉන්දීය සාගර කලාපයේ වටිනා රටක් බවත්, දෙරට අතර ද්විපාර්ශ්වික සබඳතා ශක්තිත් කිරීම සඳහා සමීප සහයෝගිතාවක් අපේක්ෂා කරන බවත් අගමැති මෝදි එක්ස් සමාජ මාධ්‍යජාලයේ සටහන් කර ඇතැයි වැඩිදුරටත් වාර්තා වේ.
