සණස ප්‍රිමියර් ලීග් ක්‍රිකට් තරගාවලිය 2024 නාරාහේන්පිට ශාලිකා ක්‍රිකට් ක්‍රීඩාංගණයේදී උත්කර්ෂවත් ලෙස පැවැත්විණි. චරිත් නිලංක ද සිල්වා මහතාගේ නායකත්වයෙන් සණස ජාතික තරුණ සම්මේලනය මෙම තරගාවලිය සංවිධානය
කළේය. මෙම තරගාවලියේ බාලක ශූරතාව තොරණගහපිටිය සණස නියෝජනය කළ කෑගල්ල චැලෙන්ජර්ස් කණ්ඩායමට හිමි විය. බාලක අනුශූරතාව දකුණු අතුරුගිරිය සණස නියෝජනය කළ ටයිටන්ස් කලම්බු කණ්ඩායමට හිමි විය. මීගොඩ අභය සණස නියෝජනය කළ ක්වීන්ස් කලම්බු කණ්ඩායම බාලිකා ශූරතාව දිනා ගත්තේය. ගොඩිගමුව සණස නියෝජනය කළ කලම්බු ස්ටාර් කණ්ඩායම බාලිකා අනුශූරතාව දිනා ගත්තේය. තරගාවලිය යූටියුබ් සහ ෆේස්බුක් ඔස්සේ සජීවීව ලොව පුරා විකාශය කරන ලදි. සණස සම්මේලනයේ ප්‍රධාන විධායක නිලධාරි සුමිත් නිශාන්ත මහතා ප්‍රධාන ආරාධිත අමුත්තා ලෙස මෙම අවස්ථාවට සහභාගි විය. සණස ව්‍යාපාරයේ නිර්මාතෘ සහ සභාපති ආචාර්ය කිරිවන්දෙණිය මහතාගේ මඟ පෙන්වීම මෙම තරගාවලියේ සාර්ථකත්වයට සුවිශාල හේතුවක් විය.
