බස්නාහිර පළාත් ක්‍රීඩා අමාත්‍යාංශයේ මෙහෙයවීමෙන් ගම්පහ දිස්ත්‍රික් ක්‍රීඩා අංශය විසින් සංවිධානය කරනු ලබන ගම්පහ දිස්ත්‍රික් අන්තර් ප්‍රාදේශීය ලේකම් කොට්ඨාස මලල ක්‍රීඩා උලෙළ අද දින පෙරවරු 9.30ට බස්නාහිර පළාත් අධ්‍යාපන, සංස්කෘතික, කලා කටයුතු, ක්‍රීඩා හා යෞවන කටයුතු සහ තොරතුරු තාක්ෂණය පිළිබඳ අමාත්‍යාංශයේ ලේකම් එස්.ඩී.එස්.සදීකා සහ ගම්පහ දිස්ත්‍රික් ලේකම් ලලින්ද ගමගේ යන මහත්ම මහත්මීන්ගේ ප්‍රධානත්වයෙන් ගම්පහ ශ්‍රී බෝධි පාරේ සිරිමාවෝ බණ්ඩාරනායක ක්‍රීඩාංගණයේදී පැවැත්වේ.
මෙම අවස්ථාවට බස්නාහිර පළාත් ක්‍රීඩා අමාත්‍යාංශයේ ක්‍රීඩා අධ්‍යක්ෂ සචින් තෙවරප්පෙරුම, ගම්පහ ප්‍රාදේශීය ලේකම් සුරංගා ගුණතිලක යන මහත්ම මහත්මීන් ඇතුළු දිස්ත්‍රික්කයේ සියලුම ප්‍රාදේශීය ලේකම්වරුන්, ක්‍රීඩා නිලධාරීන් ඇතුළු රාජ්‍ය නිලධාරීන් රැසක් සහභාගී වීමට නියමිත බව ගම්පහ දිස්ත්‍රික් ක්‍රීඩා නිලධාරී රෝහණ පෙරේරා මහතා පවසයි.
