241
කොළඹ ජාතික රෝහලේ නියෝජ්‍ය අධ්‍යක්ෂ රුක්ෂාන් බෙල්ලන මහතාගේ ක්‍රියා කලාපයට එරෙහිව රෝහලේ කනිෂ්ඨ කාර්ය මණ්ඩලයේ සේවකයකු රෝහලේ බණ්ඩාරනායක ගොඩනැඟිල්ලේ වහලය මතට නැඟ කළ විරෝධතාව රෝහලේ අධ්‍යක්ෂවරයාගේ මැදිහත් වීමෙන් සමථයකට පත් කළ බව රෝහලේ ජ්‍යෙෂ්ඨ නිලධාරියෙක් දිනමිණට ඊයේ (31) පැවසීය.
වෛද්‍ය බෙල්ලන මහතා විසින් අදාළ සේවකයා අභ්‍යන්තර ස්ථාන මාරුවකට ලක් කර ඇති බවත්, අදාළ අභ්‍යන්තර මාරුව රෝහලේ අධ්‍යක්ෂවරයා විසින් නිවැරදි කිරීමෙන් පසුව උද්ඝෝෂණයේ නිරත වූ කනිටු සේවකයා වහලයෙන් බැස ඇති බවත් හෙතෙම කීය. වෛද්‍ය බෙල්ලන මහතාට විරුද්ධව අදාළ සේවකයා පසුගිය කාලයේදී මාධ්‍ය වෙත අදහස් දැක්වීමේදී කාරණාව මුල් කරගනිමින් මේ අභ්‍යන්තර මාරුව සිදු කර ඇතැයි උද්ඝෝෂණයේ නිරත සේවකයා පැවසීය.
