255
වවුනියාව, රම්බෙයිකුලම් ප්‍රදේශයේ දී යතුරුපැදියකින් ගමන් කරමින් සිටි පොලිස් නිලධාරියෙකුව යටකර ගෙන ගිය ටිපර් රථයක් හා එහි රියැදුරුව වවුනියාව පොලිසියේ රථ වාහන අංශයේ නිලධාරීන් විසින් පෙරේදා (02) අත්අඩංගුවට ගෙන තිබේ.
රාජකාරියක් සඳහා මෙම පොලිස් නිලධාරියා යමින් සිටිය දී අධික වේගයෙන් පැමිණි ටිපර් රථය පොලිස් නිලධාරියා ගමන් කළ යතුරුපැදියේ පිටුපස ගැටීමත් සමඟම පොලිස් නිලධාරියා යතුරුපැදියෙන් වීසි වී ගොස් මහපාරට ඇද වැටී ඇත. අනතුරෙන් බරපතළ ලෙස තුවාල ලැබූ පොලිස් නිලධාරියා වවුනියාව මහ රෝහලට ඇතුළත් කොට තිබේ. වවුනියාව පොලිසියේ රථවාහන අංශය මෙම අනතුර සම්බන්ධයෙන් පරීක්ෂණ පවත්වා ගෙන යයි.
