321
ගාසා තීරයේ ප්‍රහාරවලින් සිදුවූ මානුෂීය ඛේදවාචකයට සහ ආධාර සැපයීමට බාධා කිරීමට එරෙහිව දැඩි විරෝධය දක්වමින් ඊශ්‍රායලය සමඟ තිබූ සියලු වෙළෙඳ සබඳතා අත්හිටවූ බව තුර්කිය ප්‍රකාශ කර ඇතැයි විදෙස් මාධ්‍ය වාර්තා කළේය. කිසිදු බාධාවකින් තොරව අවශ්‍ය ප්‍රමාණයෙන් ගාසා තීරයට ආධාර සැපයීමට ඊශ්‍රායලය අවසර ලබා දෙනතුරු එය ක්‍රියාත්මක වන බව තුර්කියේ වෙළෙඳ ඇමැතිවරයා සඳහන් කර ඇතැයි ද වාර්තා වේ. තුර්කිය සහ ඊශ්‍රායලය අතර වෙළෙඳ ගනුදෙනුව පසුගිය වසරේදි අමෙරිකානු ඩොලර් බිලියන 7 ඉක්මවා ගිය බව ද වාර්තා වේ. මේ අතර එම තීරණය පිළිබඳ චෝදනා කරමින් තුර්කි ජනාධිපති රිසෙප් ටයියිප් ඒකාධිපතියකු ලෙස කටයුතු කරන බව ඊශ්‍රායල විදේශ ඇමැතිවරයා ප්‍රකාශ කර ඇතැයි ද විදෙස් මාධ්‍ය වාර්තා කළේය.
