Home » OCTAVE සහ පේරාදෙණිය විශ්වවිද්‍යාලය අත්වැල් බැඳගනී

OCTAVE සහ පේරාදෙණිය විශ්වවිද්‍යාලය අත්වැල් බැඳගනී

by damith
May 4, 2024 1:00 am 0 comment

ජෝන් කීල්ස් සමූහ ව්‍යාපාරයේ දත්ත සහ උසස් විශ්ලේෂණ විශිෂ්ටත්ව මධ්‍යස්ථානය (Data and Advanced Analytics Centre of Excellence) වන OCTAVE, පසුගියදා පේරාදෙණිය විශ්වවිද්‍යාලය සමඟ ක්‍රමෝපායික හවුල්කාරිත්වයකට එළඹීමට කටයුතු කළේ ය. මෙය ප්‍රමුඛ පෙළේ අධ්‍යාපන ආයතන සමඟ සමීප සම්බන්ධතා ගොඩනංවා ගැනීම සඳහා OCTAVE දරන උත්සාහයේ නවතම පියවර ලෙස හැඳින්විය හැකි වේ. පේරාදෙණිය විශ්වවිද්‍යාලය මෙරට දීර්ඝතම ඉතිහාසයක් සහිත විශ්වවිද්‍යාලය වන අතර, මෙම හවුල්කාරිත්වය ප්‍රධාන වශයෙන් එම විශ්වවිද්‍යාලයේ පරිගණක විද්‍යා සහ ඉංජිනේරු පීඨය සමඟ ක්‍රියාත්මක වනු ඇත. මේ යටතේ, දත්ත විද්‍යාව, යන්ත්‍ර ඉගෙනුම සහ දත්ත ඉංජිනේරුකරණය යන විෂයන් පිළිබඳ විශේෂ අවධානයකින් යුතුව, සමස්තයක් ලෙස දත්ත විශ්ලේෂණය සම්බන්ධ විෂයමාලාවන් වැඩිදියුණු කිරීම සඳහා පේරාදෙණිය විශ්වවිද්‍යාලය සමඟ සමීපව කටයුතු කිරීමට OCTAVE බලාපොරොත්තු වෙයි. මෙහි අරමුණ වන්නේ දත්ත විශ්ලේෂණ ක්ෂේත්‍රයේ විශිෂ්ටතම ක්‍රමවේදයන් විෂය මාලාවන්ට එක්කරමින්, ශිෂ්‍ය ශිෂ්‍යාවන්ට එම ක්ෂේත්‍රය සම්බන්ධ නවතම දැනුම ලබාදීම ය. එමෙන්ම OCTAVE හි ප්‍රවීණ වෘත්තිකයන්, පේරාදෙණිය විශ්වවිද්‍යාලයේ අවසන් වසරේ ශිෂ්‍ය ශිෂ්‍යාවන් විසින් සිදුකරනු ලබන ව්‍යාපෘතිවල අධීක්ෂකවරුන් ලෙස මෙන්ම එහි ආරාධිත දේශකවරුන් ලෙස කටයුතු කරනු ඇත.තවද කැපීපෙනෙන දක්ෂතා පෙන්නුම් කරන ශිෂ්‍ය ශිෂ්‍යාවන්ට සීමාවාසික පුහුණු අවස්ථා ලබා දීමටද OCTAVE සැලසුම් කර තිබේ. මෙමඟින් ඔවුන්ට ක්ෂේත්‍රයේ ප්‍රවීණයන් සමඟ සමීපව කටයුතු කරමින්, දත්ත විද්‍යාව, යන්ත්‍ර ඉගෙනුම, දත්ත ඉංජිනේරුකරණය, BI ඉංජිනේරුකරණය සහ උසස් දත්ත විශ්ලේෂණය යනාදී අංශ සම්බන්ධයෙන් තම දැනුම සහ පළපුරුද්ද වැඩිදියුණු කරගැනීමට අවස්ථාව හිමිවනු ඇත.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT