- ලාෆ්-රු. 3,840යි ලිට්‍රෝ-3,940යි
ලිට්‍රෝ සහ ලාෆ්ස් ගෑස් මිල ගණන් ඊයේ (3) මධ්‍යම රාත්‍රියේ සිට ක්‍රියාත්මක වන පරිදි පහත හෙළීමට පියවර ගෙන තිබේ.
ඒ අනුව 4,115ක මිලක පවතින කි.ග්‍රෑ. 12.5ක ගෑස් සිලින්ඩරයක නව මිල වන්නේ රු. 3,940ක් වන අතර, කි.ග්‍රෑ. 5ක ගෑස් සිලින්ඩරයක නව මිල රු. 1,582ක් වන බව ලිට්‍රෝ ගෑස් සමාගමේ සභාපති මුදිත පීරිස් මහතා පැවසීය. කි.ග්‍රෑ. 2.3ක ගෑස් සිලින්ඩරයක් නව මිල රු. 740කි. මේ අතර ඊයේ (3) මධ්‍යම රාත්‍රියේ සිට ක්‍රියාත්මක වෙන පරිදි ලාෆ්ස් ගෑස් කි.ග්‍රෑ. 12.5 සිලින්ඩරයක නව මිල රු. 3,840ක් වන අතර කි.ග්‍රෑ. 5 ගෑස් සිලින්ඩරයක නව මිල 1,542කි.
ලෝක වෙළෙඳපොළේ ගෑස් මිල අඩු වීමක් සිදු වීම හේතුවෙන් ඊට අනුපාතව ලාෆ් ගෑස් මිල අඩු වන බව එම සමාගමේ සමූහ ප්‍රධාන විධායක නිලධාරී ආචාර්ය නිරෝෂන් ජේ. පීරිස් මහතා ඊයේ පැවති මාධ්‍ය හමුවකට එක් වෙමින් පැවසීය.
