වයස අවුරුදු 4ක් වයසැති තම පිරිමි දරුවාට බරපතළ ලිංගික අපයෝජනයක් කළ වයස අවුරුදු තිස් නවයක, පියෙක් ගල්කිරියාගම පොලිසිය විසින් අත්අඩංගුවට පත්ව ඇත.
මෙලෙස අත්අඩංගුවට පත්ව ඇත්තේ, ගල්කිරියාගම පොලිස් වසමේ ගොවිතැන් හා වෙ‍ෙළඳාම් කටයුතු කරන පුද්ගලයෙකි. නිතර ආරවුල් ඇති කර ගැනීම හේතුවෙන් දරුවාගේ මව විසින් පුරුෂයාට විරුද්ධව දඹුල්ල අධිකරණයේ නඩුවක් දමා මීට වසර හතරකට පෙර ඔහුගෙන් වෙන්ව ජීවත්ව ඇති අතර, දරුවාගේ අනාගතය ගැන සිතා නැවතත් ඇය සැමියා සමඟ ජීවත්වීමට නිවසට පැමිණ ඇති බව පොලිසිය කියයි.
යලි පැමිණි අවස්ථාවේදීත් එම සැමියා නිරන්තරයෙන් බිරිය සමඟ අඬදබර කර ගැනීම හේතුවෙන් කිහිපවතාවක් ඇය මහ ගෙදරට ගිය අවස්ථාවේ දී එම පුරුෂයා පැමිණ තමා සහ දරුවා යලි රැගෙන ගිය බවද පැමිණිල්ලේ සඳහන් වේ.
මෙසේ ජීවත්ව සිටින අතරවාරයේ දී පුරුෂයාගේ හැසිරීම් රටාවේ ලොකු වෙනසක් දැක පැමිණිලිකාර බිරිය ඒ සම්බන්ධයෙන් දැඩි විමසිල්ලෙන් පසුවන අවස්ථාවක දී සැකකාර සැමියා දරුවා, අපයෝජනය කිරීමේ සිද්ධිය දැන ගෙන මෙලෙස පැමිණිලි කර තිබූ බව පොලිසිය කියයි.
මේ සම්බන්ධයෙන් විමර්ශන සිදුකර සැකකරු අත්අඩංගුවට ගනු ලැබූ බව පොලිසිය සඳහන් කරයි.
