නයිජීරියාවේ සමාජ මාධ්‍යජාලා අතර ජනප්‍රිය චරිතයක් වන බොබ්රිස්කි නමැති කාන්තාව පසුගියදා ලාගොස් නුවර පැවැති චිත්‍රපට මංගල දර්ශනයක් අතරතුර මුදල් නෝට්ටු වීසි කිරීම හේතුවෙන් අත්අඩංගුවට ගෙන ඇතැයි විදෙස් මාධ්‍ය වාර්තා කළේය. ලිංගික සංක්‍රාන්තියකින් කාන්තාවක් බවට පත්වූ එම පුද්ගලයාගේ සැබෑ නම ඉද්රිස් ඔකුනේයේ බව ද වාර්තා වේ. චිත්‍රපට දර්ශනය අතරතුර පැවති සංගීත ප්‍රසංගයේදී ඇය නයිරා මුදල් නෝට්ටු විශාල ප්‍රමාණයක් ශාලාව තුළ වීසිකරන අයුරු දැක්වෙන වීඩියෝපට එරට සමාජ මාධ්‍යජාලා අතර වැඩි අවධානයට ලක් වී තිබේ.
නයිජීරියාවේ විවාහ සහ වෙනත් උත්සවවල දී මුදල් නෝට්ටු වීසි කිරීම සුලබ දසුනක් වූව ද, බොබ්රිස්කි අත්අඩංගුවට ගෙන ඇත්තේ එම අවස්ථාවේ ශාලාවේ සිටි අයගේ දෙපාවලට එම මුදල් නෝට්ටු පෑගීමෙන් එය අවභාවිත වූ බවට නැඟුණු චෝදනාව හේතුවෙන් බවත් වැඩිදුරටත් වාර්තා වේ.
