108
නායකත්ව පුහුණු පාඨමාලාව සාර්ථකව නිම කළ කොළඹ ආනන්ද විද්‍යාලයේ සිසුන් වෙත සහතික පත් ප්‍රදානය සහ නිල ලාංඡන පැලඳවීම ජනාධිපති කාර්යාලයේදී ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක මහතාගේ ප්‍රධානත්වයෙන් පසුගියදා (15) සිදු විය.
ත්‍රිවිධ හමුදා ආරක්ෂක කටයුතු සම්බන්ධීකරණ කාර්යාලයෙන් මෙහෙයවන ලද මේ පාඨමාලාවට කොළඹ ආනන්ද විද්‍යාලයේ ශිෂ්‍ය නායකයන් සහ ලියෝ සමාජයේ සාමාජිකයන් ඇතුළු සිසුන් 150 දෙනකු පමණ සහභාගී විය.
ත්‍රිවිධ හමුදා ආරක්ෂක කටයුතු සම්බන්ධීකරණ සහකාර අධ්‍යක්ෂ මේජර් ජී. ඩී. එන්. පී. දන්ගොල්ල මහතා ද සහතිකපත් දීමේ අවස්ථාවට එක්ව සිටියේය.
