ඇල්පිටිය – අම්බලන්ගොඩ මාර්ගයේ කරන්දෙණිය හතේ කණුව ප්‍රදේශයේ දී ඇල්පිටිය බලා ගමන් ගත් මෝටර් රථයක් මාර්ගයේ දකුණු පස තිබූ වෙ‍ෙළඳ සලකට කඩා වැදීමෙන් එහි සිටි වෙ‍ෙළඳ සලේ හිමිකාරිය බරපතළ තුවාල ලබා ඇති අතර ඇයගේ දියණිය එම අනතුරින් මියගොස් තිබේ.
මොවුන් ප්‍රතිකාර සඳහා ඇල්පිටිය මූලික රෝහලට ඇතුළත් කිරීමෙන් අනතුරුව අසාධ්‍ය තත්ත්වයේ සිටි මෙම දියණිය ගාල්ල, කරාපිටිය රෝහලට ඇතුළත් කර ඇති අතර එහිදී ඇය මියගොස් ඇත.
ඇල්පිටිය උසාවියේ සේවය කරන නීතිඥවරයෙකු විසින් මෙම මෝටර් රථය පදවා ඇති අතර ඔහුට නින්ද යාම නිසා වේගය පාලනය කරගත නොහැකිව මෙම අනතුර සිදුවී ඇති බව ඇල්පිටිය පොලිසිය කියයි. මෙම අනතුර නිසා විදුලි කණුවකට දැඩි ලෙස අලාභ හානි වී ඇති අතර තුවාල ලැබූ මවගේ පාද දෙකම බිඳී ගොස් තිබේ.
සැකකාර නීතිඥවරයා පොලිස් භාරයට ගෙන ඇති අතර මෙසේ අනතුරින් තුවාල ලැබුවේ එම වෙළඳ සලේ හිමිකාරිය වන 72 හැවිරිදි හේවා හකුරු ගුණවතී සහ එම අනතුරින් මියගොස් ඇත්තේ ඇයගේ දියණිය වන 55 හැවිරිදි තෝම්මයා හකුරු චන්ද්‍රලතා මල්කාන්ති නැමැති අය බවද පොලිසිය සඳහන් කරයි.
සිද්ධිය සම්බන්ධව ඇල්පිටිය පොලිසිය පරීක්ෂණ පවත්වයි.
