හෝමාගම අධ්‍යාපන කලාපයේ ලියන්වල ආනන්ද සමරකෝන් ආදර්ශ කනිෂ්ඨ විද්‍යාලයට, දැඩි ආර්ථික අපහසුතා මධ්‍යයේ ඉගෙනුම ලබාගැනීමට පැමිණෙන දරුවන් 75 දෙනකුට පාසල් බෑග්, පාසල් පොත්, වතුර බෝතල් සහ සපත්තු මිලදී ගැනීම සඳහා රුපියල් 3500ක් වටිනා වවුචර් පත් පිරිනැමීමක් හෝමාගම වික්‍රමආරච්චි වෛද්‍යවරයා විසින් ඊයේ (15) දින විදුහල් ශාලාවේදී සිදු කෙරුණි.
රුපියල් හත්ලක්ෂ පනස්දාහක (7,50000) පමණ මුදලක් වැය කර වෛද්‍යවරයාගේ ඉල්ලීම මත, විදුහල්පති සහ නියෝජ්‍ය විදුහල්පති එක්ව 1 – 5 ශ්‍රේණිවලින් තෝරාගත් මෙම සිසුන් 75 දෙනාට, වෛද්‍යාචාර්යවරයා ඇතුළු ආරාධිත අමුත්තන් මෙලෙස පරිත්‍යාගයන් සිදු කළේය. එම අවස්ථාවට විදුහල්පති පී. ඒ. පී. ජයලාල්, නියෝජ්‍ය විදුහල්පතිනි චමනි ලසන්ති රණසිංහ යන මහත්ම මහත්මීන් ඇතුළු ආචාර්ය මණ්ඩලය ද, හෝමාගම වික්‍රමආරච්චි වෛද්‍යාචාර්යවරයා ඇතුළු ආරාධිත අමුත්තෝ ද, පාසල් දරු දැරියෝ ද, ඔවුන්ගේ මවුපියෝ ද සහභාගි වූහ.
