Home » කතක් සැමියා ලවා පැරණි පෙම්වතා නිරුවත් කොට කකුල් දෙකම කඩලා

කතක් සැමියා ලවා පැරණි පෙම්වතා නිරුවත් කොට කකුල් දෙකම කඩලා

by mahesh
February 16, 2024 1:00 am 0 comment

දකුණු පළාත් සංචාරක - එස්. දීයගහගේ

හික්කඩුව දොඩන්දූව ප්‍රදේශයේ තරුණියක් හික්කඩුව කලුපෙ පදිංචි තරුණයකු සමඟ මීට වසර දහයකට පමණ පෙර ගාල්ල කාර්මික විදුහලේ පාඨමාලා හදාරමින් සිටින විට ප්‍රේම සම්බන්ධයක් පවත්වාගෙන ගොස් තිබේ. මේ අතර කාර්මික විදුහලේ පුහුණුව අවසන් කිරීමෙන් පසුව ඒ ප්‍රේම සම්බන්ධය නතර කළ තරුණිය වෙනත් අයෙකු සමඟ විවාහ වී ඇත.

එහෙත් පැරණි පෙම්වතාද ඇය සමඟ දුරකතනයෙන් සම්බන්ධතාව පවත්වා ගෙන ගොස් තිබේ. නිතරම පැරණි පෙම්වතා දුරකතන ඇමතුම් ලබාදීම ඇයට කරදරයක්වී ඇත. මේ අතර මෙම ඇමතුම් ලබාදීම නතර කරන්නේ කෙසේදැයි කල්පනා කළ ඇගේ සැමියා ඇයට පවසා ඇත්තේ පැරණි පෙම්වතාට දඩල්ල මුහුදු වෙරළට එන ලෙස දන්වන ලෙසය. ඊට පසුව ඇය තම පැරණි පෙම්වතාට දඩල්ල මුහුදු වෙරළට පැමිණෙන ලෙස දැනුම් දුන්නාය. ඒ අනුව 29 හැවිරිදි අවිවාහක හෙතෙම තම පැරණි පෙම්වතිය දැක ගැනීමට දඩල්ල මුහුදු වෙරළට පැමිණ ඇත.

මේ අතර එම අවස්ථාවේ පැරණි පෙම්වතියද එතනට පැමිණ ඇතත් ඇය සමඟ පැරණි පෙම්වතා කතා කිරීමට පෙර සැඟවී සිටි ඇගේ සැමියා එක්වරම යකඩ පොල්ලකින් පහරදී ඔහුගේ කකුල් දෙකම කඩා දමා සම්පූර්ණයෙන් ඔහු නිරුවත් කර ඇත. ඒ සමඟම ඇය බස් රථයක නැඟී පලා ගොස් ඇති අතර පහරදීම සිදු කළ ඇගේ සැමියාද තවත් අයෙකු සමඟ යතුරුපැදියක නැඟී පලා ගොස් තිබේ.

මේ අතර මුහුදු වෙරළට පැමිණි පුද්ගලයෙකු මුහුදු වෙරළේ නාර ගස් අකුලකින් පුද්ගලයෙකු කෙඳිරිගාන ශබ්දයක් ඇසී බලන විට දැක ඇත්තේ කකුල් කැඩුණ නිරුවත් පුද්ගලයෙකු නාර අකුලේ සිටින බවය. එවිට එම පුද්ගලයා වහා ක්‍රියාත්මක වී ගිලන් රථයක් ගෙන්වා තුවාලකරු කරාපිටිය රෝහලට පිටත් කර පොලිසියට සිද්ධිය දන්වා තිබේ.

ගාල්ල පොලිසියේ අපරාධ විමර්ශන අංශයේ ස්ථානාධිපති පොලිස් පරීක්ෂක ඩී.ජී. ආනන්ද උපදෙස් මත සැකකරු අත්අඩංගුවට ගෙන තිබේ.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT