294
සබරගමුව විශ්වවිද්‍යාලයේ සිසුවියකට සහ සිසුන් දෙදෙනෙකුට පහරදීම සම්බන්ධයෙන් සැකපිට අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාරගත කර සිටි සිසුන් දහ තුන් දෙනා දැඩි ඇප කොන්දේසි මත මුදා හැරීමට බලංගොඩ මහේස්ත්‍රාත් බී.කේ.වී. හේෂානි රොඩ්රිගෝ මහත්මිය ඊයේ (15) දින බලංගොඩ මහේස්ත්‍රාත් අධිකරණයේදී නියෝග කර ඇත.
අදාළ සිසුන් දහ තුන් දෙනා අතරින් නව දෙනෙකු කුරුවිට බන්ධනාගාරයේ රඳවා සිටි අතර සූම් තාක්ෂණය ඔස්සේ මෙම නඩු විභාගය පැවැත්විණි.
ඉතිරි සිසුන් හතර දෙනා බන්ධනාගාර නිලධාරීන් භාරයේ (15) සබරගමුව විශ්වවිද්‍යාලයේ පැවැති විභාගයකට පෙනී සිටි බව පැවසේ. ඵ් අනුව අයෙකුට රුපියල් ලක්ෂ පහක ශරීර ඇපයක් මත මුදා හැරීමට මහේස්ත්‍රාත්වරිය නියෝග කර තිබේ.
