Home » කෘෂි විද්‍යා ප්‍රශ්න පත්‍රය පිටවීමට අදාළ තවත් අයෙක් කොටු වෙයි

කෘෂි විද්‍යා ප්‍රශ්න පත්‍රය පිටවීමට අදාළ තවත් අයෙක් කොටු වෙයි

by yasara
January 27, 2024 9:28 am 0 comment

අපොස උසස් පෙළ විභාගයේ  කෘෂි විද්‍යාව දෙවැනි කොටස ප්‍රශ්න පත්‍රය පිටවීම සම්බන්ධයෙන් විමර්ශන පවත්වන අපරාධ පරීක්ෂණ දෙපාර්තමේන්තුවේ විශේෂ විමර්ශන ඒකකය විසින් ඒ සම්බන්ධයෙන් සැකපිට ගුරු උපදේශකවරියක් අත්අඩංගුවට ගෙන තිබේ.

මොරටුය කටුබැද්දේ මෝල්පේ ප්‍රදේශයේ පදිංචිකාරියක් වන 57 හැවිරිදි එම ගුරුඋපදේශිකාව අත්අඩංගුවට ගෙන ඇත්තේ පෙරේදා (25) සවස් කාලයේදීය.

ප්‍රශ්න පත්‍රයේ සඳහන් ප්‍රශ්න ඒ ආකාරයෙන්ම විභාගය පැවැත්වීමට නියමිත වේලාවට සමාජ මාධ්‍ය ඔස්සේ ප්‍රචාරය කිරීමට ඉඩ සැලැස්වීම හේතුවෙන් ඇයව අත්අඩංගුවට ගෙන තිබේ.

ආන්දෝලනයට තුඩුදුන් ප්‍රශ්න පත්‍රය කාර්යාල සහයකයෙකු විසින් පැන්නූ විභාග මධ්‍යස්ථානයේ ප්‍රධානියා ලෙස කටයුතුකර ඇත්තේ ඇය බව අපරාධ පරීක්ෂණ දෙපාර්තමේන්තු තොරතුරු සඳහන් කළේය.

මේ සම්බන්ධයෙන් කරුණු තහවුරුකර ගැනීමට පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ නිහාල් තල්දූව මහතාගෙන් කරුණු විමසීමට උත්සහා ගත්තද ඊට නිසි ප්‍රතිචාර නොලැබුණි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT