කොළඹ මහ නගර සභා බල ප්‍රදේශය තුළ ජීවත්වන කාන්තාවන්ගේ පියයුරු පිළිකා සම්බන්ධයෙන් පරීක්ෂණ සිදු කිරීමේදී එහිදී අවදානම් සහිත කාන්තාවන් හඳුනා ගත් පසු එම පිරිස නගර සභාවේ වියදමින් ‘මැමෝ ග්‍රෑම්’ පරීක්ෂණයකට අනෙකුත් පරීක්ෂණයන් සඳහා නවලෝක රෝහල වෙත යොමු කිරීමට අවශ්‍ය කටයුතු සලසා දෙන මෙන් හිටපු නාගරික මන්ත්‍රිනී චාමිකා පතිරණ මහත්මිය නාගරික සෞඛ්‍ය හා සනීපාරක්ෂාව පිළිබඳ ස්ථාවර කමිටුවෙන් කරන ලද ඉල්ලීම පිළිගෙන ඇත.
චාමිකා පතිරණ හිටපු මන්ත්‍රීවරියගේ ඉල්ලීමට කොළඹ නගරයේ වෙසෙන කාන්තාවන්ගේ ගැබ් ගෙල පිළිකා වෙනුවෙන් කාන්තා හා ළමා කටයුතු පිළිබඳ ස්ථාවර කමිටුව 2023 අය වැය සඳහා රු. බිලියන 05ක මුදලක් වෙන් කර ඇති බැවින් ඒ සඳහා නාගරික පුණ්‍ය කොමසාරිස්වරියගේ ද අනුමැතිය ලැබී ඇත.
මේ සඳහා අවශ්‍ය මුදල් වෙන් කර ඇති බවත් නගර සභා සායනවලින් නිර්දේශ කරන ලද අවදානම් සහිත කාන්තාවන් මැමෝ ග්‍රෑම් පරීක්ෂණ සඳහා නවලෝක රෝහලට ඉදිරි කටයුතු කිරීමට හැකි බව නාගරික ප්‍රධාන වෛද්‍ය නිලධාරි රුවන් විජේමුණි මහතා පැවසූ බවත් පිළිකා සංගමය හා එකතුව මේ සම්බන්ධයෙන් ඉදිරි කටයුතු සඳහා ප්‍රතිපාදන වෙන් කර ඇති බව ස්ථාවර කමිටුවේ සභාපතිනි හර්ෂණී සී. ජොතිරත්න මහත්මිය ප්‍රකාශ කළාය.
