140
ආචාර්ය ඩබ්ලියු. ඒ. අබේසිංහ විසින් රචිත ‘දේශ දේශාන්තරයෙහි’ කෘතිය ඇසුරෙන් අඩ සියවසක දේශාටන සාහිත්‍ය අරබයා හෙට (23) පස්වරු 3ට කොළඹ 07, නිදහස් මාවතේ ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේදී සාහිත්‍ය සම්භාෂණයක් පැවැත්වීමට නියමිතය.
එහි මුලසුන හොබවන්නේ සිංහල විශ්වකෝෂයේ වැඩබලන කර්තෘ, ආචාර්ය රන්ජන දේවමිත්‍ර සේනාසිංහ විසිනි. එහිදී ‘දේශාටන සාහිත්‍යයේ නිම් වළලු පුළුල් කිරීම’ යන මැයෙන් කැලණිය විශ්වවිද්‍යාලයේ ජ්‍යෙෂ්ඨ කථිකාචාර්ය චින්තක රණසිංහ සහ ‘දේශාටනයේ සෞන්දර්ය චාරිකාවක්’ මැයෙන් සිළුමිණ පුවත්පතේ නියෝජ්‍ය කර්තෘ සුමුදු චතුරාණී ජයවර්ධන විසින් දේශන පැවැත්වීමට නියමිතය.
සංගීතයෙන් සඳසිරි අධිකාරි සහ නිම්මි දේශප්‍රිය මේ සඳහා එක් වන අතර, කථනය මිහිර අරවින්ද මහතා විසිනි.
