Home » කොළඹ රාජකීය ‘බී’ පිලට 13න් පහළ ‍දෙවැනි කොටසේ ශූරතාව

කොළඹ රාජකීය ‘බී’ පිලට 13න් පහළ ‍දෙවැනි කොටසේ ශූරතාව

by mahesh
January 19, 2024 12:58 am 0 comment

ඉෂානි යද්දෙහි

ශ්‍රී ලංකා පාසල් ක්‍රිකට් සංගමය විසින් ශ්‍රී ලංකා ක්‍රිකට් ආයතනයේ අනුග්‍රහය ඇතිව සංවිධාන කළ අවුරුදු 13න් පහළ දෙවැනි කොටසේ අන්තර් පාසල් ක්‍රිකට් තරගාවලියේ ශූරතාව දිනා ගැනීමට රසිඳු රන්දිරගේ නායකත්වයෙන් යුත් කොළඹ රාජකීය විද්‍යාල ‘බී’ පිල ඊයේ (18) සමත් විය.

බම්බලපිටිය සාන්ත පීතර විදුහල් ක්‍රීඩාංගණයේදී පැවති අවසන් තරගයේදී දෙබරවැව ජාතික පාසලට එරෙහිව පළමු ඉනිමේ ජයක් ලබමින් රාජකීය පිල ශූරතාවට හිමිකම් කීය.

රාජකීය ‘බී’ පිල වෙනුවෙන් දක්ෂ පිතිහරඹයක් දියත්කළ දකුණත් ඉදිරිපෙළ පිතිකරු චවෙත් ද සිල්වා පන්දු 149කදී හතරේ පහර 6ක් සමඟින් නොදැවී ලකුණු 79ක් රැස් කළේය.

ත්‍යාග ප්‍රදානෝත්සවය ශ්‍රී ලංකා පාසල් ක්‍රිකට් සංගමයේ සභාපති සහ කොළඹ රාජකීය විද්‍යාලයේ විදුහල්පති තිලක් වත්තුහේවා, අධ්‍යාපන අමාත්‍යාංශයේ ක්‍රීඩා අධ්‍යක්ෂ උපාලි අමරතුංග සහ ශ්‍රී ලංකා ක්‍රිකට් ආයතනයේ ජ්‍යෙෂ්ඨ කළමනාකරු සුරේෂ් බුලන්කුලම යන මහත්වරුන්ගේ සහභාගිත්වයෙන් සිදු කෙරිණි.

රාජකීය ‘බී’ පළමු ඉනිම – 161/4 (ඕවර 46.4) චවෙත් ද සිල්වා නොදැවී 79, තලාල් කාමිල් 37 (දීෂ සත්සර 40/2)

දෙබරවැව ජාතික පාසල් පළමු ඉනිම – 68 (ඕවර 42.5) මානක බිගුසර 20 (නිම්සර ද සිල්වා 18/3 , විශ්මිද ප්‍රනාන්දු 7/2, රසිඳු රන්දිර 10/2)

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT