වැස්සියකගේ ලණුව ගෙල පැටලී අයෙක් මරුට

පිටස්තර නිවසක ගෙවත්තේ කොහොඹ ගසක් අසල ගෙල පැටලී අයෙක් මිය ගොස් බිම වැටී සිටියදී ඊයේ 18දා පෙරවරුවේදී සොයා ගත් බව මීගලෑව පොලිසිය කියයි.

එම මෘත දේහය ආසන්නයේම නයිලෝන් ලණුවට වම් පාදය පැටලී අපහසුතා හමුවේ පසුවෙන එළ වැස්සියක සිටින බව ද පොලිසිය පවසයි. මෙලෙස මරණයට පත්ව ඇත්තේ මීගලෑව පොලිස් වසමේ මැදින්නෝරුව ප්‍රදේශයේ පදිංචිව සිටි ඩබ්ලිව්.එම්. ස්ටීවන් පෙරේරා නමැති අයෙකු බවට පසුව හඳුනාගෙන තිබේ.

නි‍ෙවස ආසන්නයේ පදිංචි කාන්තාවක රෝහලේ මාසික සායනයට ගොස් ප්‍රතිකාර ගෙන ආපසු නි‍ෙවසට පැමිණෙන විට ඊයේ (18) පෙරවරු 11.45ට පමණ සිද්ධිය දැක ඒ බව පොලිසිය දැනුම්වත් කර තිබේ. සිද්ධිය පිළිබඳව මීගලෑව පොලිසිය වැඩිදුර පරීක්ෂණ පවත්වයි.