418
යතුරු පැදියක් මිලදී ගන්නා මුවාවෙන් පැමිණ එම යතුරු පැදිය සොරාගෙන ගිය බව කියන පුද්ගලයකු අත්අඩංගුවට ගැනීමට බුලත්සිංහල පොලීසිය පරීක්ෂණ පවත්වයි. මිල්ලෑව, මොරගහහේන, යහලකැලේවත්තේ පදිංචි බස්තියන් වඩුගේ උශාන් සත්සර ජයසිංහ යන අය විසින් පොලිසියට කරන ලද පැමිණිල්ල අනුව මෙම පරීක්ෂණ ආරම්භ කොට තිබේ. රුපියල් 165000ක් වටිනා තම යතුරු පැදිය අලෙවි කර ගැනීම සඳහා දින කීපයකට පෙර මුහුණු පොතේ දැන්වීමක් පළ කළ බවත්, ඒ අනුව තවත් අයකු සමඟ ලොරියකින් පැමිණි ගැනුම්කරු ඈගල්ඔය හංදියේ සිට හොරණ දෙසට ඇති මාර්ගයේ මීටර් 500ක් පමණ දුරක දී තමාට හමුවූ බවත්, යතුරු පැදියේ ධාවන තත්ත්වය පරික්ෂා කිරීමට ගිය ඔහු නැවත නොපැමිණි බවත් පැමිණිලිකරු පොලිසියට ප්‍රකාශ කොට තිබුණි.
බුලත්සිංහල පොලිසිය මේ පිළිබඳව වැඩිදුර පරීක්ෂණ පවත්වයි.
කළුතර මධ්‍යම සමූහ සුනිල් ස්ටැන්ලි
