Home » හමාස් ප්‍රහාරවලින් බේරුණු ශ්‍රී ලාංකික තිදෙනා ආරක්ෂිත ස්ථානවලට

හමාස් ප්‍රහාරවලින් බේරුණු ශ්‍රී ලාංකික තිදෙනා ආරක්ෂිත ස්ථානවලට

ඊශ්‍රායලයේ ශ්‍රී ලංකා තානාපති නිමල් බණ්ඩාර

by mahesh
January 19, 2024 1:00 am 0 comment

මහින්ද අලුත්ගෙදර

හමාස් ත්‍රස්තවාදීන් විසින් ඊශ්‍රායලයට එල්ල කළ අමානුෂික ප්‍රහාරයෙන් දිවි බේරා ගත් ශ්‍රී ලාංකිකයන් තිදෙනා සහ ඔවුන් බලා ගන්නා වැඩිහිටියන් මේ වන විට තාවකාලිකව ආරක්ෂිත ස්ථානයක සිටින බව ඊශ්‍රායලයේ ශ්‍රී ලංකා තානාපති නිමල් බණ්ඩාර මහතා ප්‍රකාශ කරයි.

2023 ඔක්තෝබර් මස 07 වැනි දින ගාසා තීරයෙන් ආරම්භ වූ හමාස් ත්‍රස්තවාදීන් විසින් ඊශ්‍රායලයට එල්ල කළ අමානුෂික ප්‍රහාරයෙන් දිවි බේරා ගත් මේ ශ්‍රී ලාංකිකයන් තිදෙනා සහ ඔවුන් බලා ගන්නා ලද වැඩිහිටියන් මෙන්ම 300ක පමණ පිරිස දැනට DEAD SEA කලාපයේ NOGA හෝටලයේ රඳවා සිටින බවත්, ඊශ්‍රායලයේ අගනගරය වන ටෙල්-අවිච් සිට කිලෝමීටර් 200ක පමණ දුරින් එම ස්ථානය පිහිටා තිබෙන බවත් තානාපතිවරයා සඳහන් කළේය.

ඔවුන් තිදෙනාට සිංහල භාෂාවෙන් උපදේශන සේවාවක් දීමට හැකි නම් එය වඩාත් යෝග්‍ය බවට කිසුෆිම් කිබුට්ස් පරිපාලන අධිකාරියෙන් ශ්‍රී ලංකා තානාපති කාර්යාලයට යෝජනා කළ බව පවසන ඒ මහතා ඒ අනුව ඔවුන් හමුවීමට NOGA හෝටලයට තමා ගමන් කළ බව ද සඳහන් කරයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT